第二次納戈爾諾-卡拉巴赫戰爭
From Wikipedia, the free encyclopedia
第二次納戈爾諾-卡拉巴赫戰爭(亞美尼亞文:44-օրյա պատերազմ;阿塞拜疆文:İkinci Qarabağ müharibəsi[lower-alpha 3]),中文簡稱第二次納卡戰爭,係阿塞拜疆、亞美尼亞同阿爾察赫之間喺納戈爾諾-卡拉巴赫地區嘅一場仗,喺2020年9月27號朝早開始。為咗應對呢次衝突,亞美尼亞同阿爾察赫宣布戒嚴,並且全國動員[25],同時阿塞拜疆亦同樣宣布戒嚴同宵禁[26],喺9月28號宣佈部份動員[27]。最終喺11月10號,雙方簽署停火協議,阿塞拜疆能夠保留贏咗嘅地。
第二次納戈爾諾-卡拉巴赫戰爭 | |||||||||
---|---|---|---|---|---|---|---|---|---|
前蘇聯衝突同埋納卡衝突嘅一部分 | |||||||||
亞美尼亞法理國土 阿塞拜疆冇爭議嘅國土 阿爾察赫保留控制嘅地區 戰前已經由阿塞拜疆控制嘅納卡地區 阿塞拜疆戰爭期間佔領嘅地區 阿塞拜疆戰後贏咗嘅地區 由俄羅斯維和部隊控制嘅拉欽走廊(英文:Lachin Corridor)
|
|||||||||
|
|||||||||
參戰方 | |||||||||
阿塞拜疆
有爭議:
支援: | 阿爾察赫 亞美尼亞 有爭議: |
||||||||
指揮官同領導者 | |||||||||
伊利哈姆阿利耶夫(阿塞拜疆總統兼總司令) 扎基爾·哈桑諾夫(英文:Zakir Hasanov)(阿塞拜疆國防部長) | 阿拉伊克·阿魯秋尼揚(阿爾察赫總統兼總司令) 尼科爾·帕希尼揚(亞美尼亞總理兼總司令) 賈拉爾·阿魯秋尼揚(亞美尼亞文:Ջալալ Հարությունյան)(阿爾察赫國防部長) 大衛·托納揚(英文:David Tonoyan)(亞美尼亞國防部長) |
||||||||
參戰單位 | |||||||||
阿塞拜疆軍隊 | 阿爾察赫軍隊(英文:Artsakh Defense Forces) 亞美尼亞軍隊 |
||||||||
傷亡同損失 | |||||||||
據阿塞拜疆:
裝備
亞美尼亞宣稱[12]:
裝備
| 據亞美尼亞:[13]
裝備
阿塞拜疆宣稱:
|
||||||||
93位阿塞拜疆、54位亞美尼亞平民喪命[19][20][21] 405位阿塞拜疆、148位亞美尼亞、同1位伊朗平民受傷[21] 1位阿塞拜疆、2位亞美尼亞、2位法國、同3位俄羅斯記者受傷[22] 4萬位阿塞拜疆人[23]同9萬位亞美尼亞人[24]流離失所 俄軍1架Mi-24直升機遭擊落,造成俄軍2死1傷 |
好多國家同埋聯合國都強烈咁譴責呢次衝突,並且呼籲雙方緩和緊張嘅局勢,即時恢復有意義嘅談判[28]。土耳其向阿塞拜疆提供咗軍事支持,但係支持嘅程度就仍然有爭議[29][30]。
國際分析家認為,呢次戰爭可能係由阿塞拜疆發起[29][31],而佢哋進攻嘅主要目標,很可能就係佔領納戈爾諾-卡拉巴赫南部嘅山區,因為嗰個地區冇咁多山,相比起防禦工事比較多嘅內部山區,更加容易控制[32]。土耳其對阿塞拜疆嘅支持,大多都認為係想擴大阿塞拜疆喺衝突中嘅地位,同時減少俄羅斯嘅影響力,令佢哋自己嘅勢力範圍擴大[29]。
喺2020年10月10號,經過俄羅斯嘅調解同紅十字國際委員會嘅協助之下,亞美尼亞同阿塞拜疆同意咗停火,不過因爲只係為咗人道理由而其實好脆弱[33]。到10月17號,兩國雙方嘅外交部發表聯合聲明,再一次肯定自18號凌晨開始一次「人道停火」。但第2次人道停火協議生效唔到4分鐘,亞美尼亞就已經指控阿塞拜疆發動炮火攻擊[34]。10月26號,兩邊喺美國協調之下,第3次宣布停火協議,不過都只係維持咗2日,就已經失敗,兩邊都互相指摘對方違反停火協議[35]。到11月9號,今次喺俄羅斯協調之下,兩國宣佈第4次嘅停火協議[36]。