氨基酸
From Wikipedia, the free encyclopedia
氨基酸(粵拼:on1 gei1 syun1;英文:Amino acid)係構成蛋白質嘅基本單位,生物體中總共有二十種噉多。氨基酸按照極性分成極性同非極性,而極性氨基酸又分成帶電同唔帶電兩種。極性氨基酸係親水嘅,而非極性氨基酸係疏水嘅。氨基酸係由胺基、羥基、羧基以及一個特別支鏈組成嘅重要生物分子。組成氨基酸嘅最基本元素係碳、氫、氧同氮。氨基酸嘅分類可以通過極性、酸鹼度同支鏈類型(比如含有芳香環、羥基、硫等)嚟分類。氨基酸以蛋白質嘅形式存在,構成人體肌肉,細胞同其他組織除水之外嘅第二大成份。喺蛋白質之外,氨基酸亦參與神經傳遞素同生物合成等嘅關鍵過程。