象
From Wikipedia, the free encyclopedia
象係目前世界上最大型嘅陸上哺乳動物,屬於長鼻目(Proboscidea)象科(Elephantidae),現存兩屬三種,包括非洲象屬同亞洲象屬,另外重有絕咗種嘅古菱齒象屬。非洲象有兩種:普通非洲象(又叫熱帶草原象或者灌木象)同非洲森林象,亞洲象可細分成 4 種:印度象、錫蘭象、蘇門答臘象、馬來西亞象。兩者廣泛分布喺非洲撒哈拉沙漠以南、南亞、東南亞甚至中國南部邊境嘅熱帶同埋亞熱帶地區。象因為咁大隻,所以叫大象,加上睇來笨重,又俾人叫做大笨象。
More information How to read a taxobox象, 物種分類 ...
象 | ||||||||||||||||
---|---|---|---|---|---|---|---|---|---|---|---|---|---|---|---|---|
非洲象 | ||||||||||||||||
物種分類 | ||||||||||||||||
| ||||||||||||||||
Close
象嘅懷孕期係 20 - 24 個月,係眾哺乳動物之首。啱啱出世嘅象 BB 就有 100 千克重,要到 8 - 14 歲先至性成熟。據報導1974年喺安哥拉獵殺咗最大嘅象有 13.5 噸重。
象皮厚,冇乜毛,鼻同上唇黐埋,變成一條好似鞭一樣、圓筒狀長鼻,上頜有兩隻又長又大嘅門牙,就係所謂嘅「象牙」,口裏面一般每邊有三隻前磨牙同三隻後磨牙,攞嚟食高纖維嘅嘢食,樹葉、草等等,磨牙唔係一次過生晒出嚟,而家嘅磨牙磨爛之後,新嘅磨牙就生出嚟,所以如果最後一隻(第六隻)磨牙大約喺 60 歲磨左右爛之後,老象可能會因為營養不良而死,如果餵佢食磨爛咗嘅食物,可能可以繼續生存倒。