熱力學
From Wikipedia, the free encyclopedia
- ;
呢條式嘅意思簡單講係「所有能量,形式可以轉化,但就唔能夠憑空產生,亦都唔會憑空消失」[4]。
熱力學所研究嘅嘢喺好多自然同人造嘅系統嗰度都會見得到:好多重要嘅物理同化學現象都涉及熱,例如好多化學反應都會吸熱或者放熱,所以熱力學上嘅知識有助化學方面嘅研究[5][6];熱力學方面嘅知識亦都幫到工程師手諗計控制同利用熱能,而對熱能嘅運用能夠幫手創造出好多有用嘅機械,例子可以睇吓靠蒸汽嘅流動帶動機件嘅蒸汽機[7]-多門領域嘅工程師都會用到熱力學上嘅知識[8]。
除此之外,熱力學仲對宇宙學研究有啟發作用。例如熱寂(heat death)就係宇宙學家按熱力學第二定律作出嘅一個有關宇宙最終命運嘅猜想;根據熱力學第二定律,是但搵個封閉系統,隨住時間過去,個系統內部嘅粒子同能量頂櫳維持唔郁,而喺現實多數會慢慢走位,漸漸趨向熱力學平衡(簡單講就係溫度完全平均分佈嘅狀態)。如果宇宙最後真係變成熱力學平衡,根據物理學家計算,宇宙會變成一個溫度分佈完全平均,而且凍到絕對零度(大約 -273.15 °C)咁滯嘅空間,唔會再有任何作功,更加唔會有生命-呢個情況就係假想中嘅熱寂[9][10]。