測驗(英文:test、examination、exam、evaluation)係爲咗確認被測試人嘅知識、技能、體能等等各種能力或者其他特性而作出嘅評估。[1]用方式嚟分,可以分做口試、筆試、用電腦考或者畀一個區域畀與考者展示佢嘅體能或者特定嘅技巧。
測驗可以分為正式同非正式。父母喺小朋友睇完一本書之後問返佢啲內容,就係一種非正式嘅測驗。學校嘅測驗、考試,心理學家喺診所畀嘅智力測驗,都係正式嘅測驗。正式嘅測驗通常都會畀返一個成績或者分數[2],呢個成績可以用嚟比較唔同嘅考生,或者同一個學生喺唔同時期嘅表現。