後量子密碼學
From Wikipedia, the free encyclopedia
後量子密碼學(粵拼:hau6 loeng6 zi2 mat6 maa5 hok6)係响廿一世紀初興起嘅一套密碼學,同打前嘅密碼學技術最大分別在於想抵抗用量子運算嚟行嘅密碼分析。簡單講,廿世紀後期至廿一世紀初嘅電腦保安技術好多時都係靠將啲資料攞去加密,要破解呢啲加咗密嘅資料要做大量運算,而咁大量嘅運算現實電腦根本處理唔掂。但係後嚟量子電腦做到極高嘅運算能力,能夠破解呢啲技術做嘅加密,於是密碼學相關領域嘅專家就諗計應對量子運算。
呢篇文嘅概論部份,會用一般人都睇得明嘅方式講解,而概論後就會有比較專嘅內容。如果喺概論後嘅部份遇到有基本概念唔識,可以去參考吓密碼學同量子運算,亦可以睇睇運算複雜度嘅概念。