健康資訊科學
From Wikipedia, the free encyclopedia
舉個具體例子,「病人嘅心跳率」响醫療上係一樣好緊要嘅資訊,醫護人員可能會想用好似手錶噉形嘅心率監測器監察住病人嘅心跳率响一日之內嘅上上落落-會用到戴得上身嘅架生;攞到描述病人心跳率上落嘅資料,佢哋就要有返個資訊系統,紀錄好嗮由啲病人身上得到嘅資料,同時資訊系統嘅設計可以好撈絞-例如要用電腦保安技術,將病人嘅資訊保密[3];除此之外,啲資料穩陣噉紀錄好嗮,就可能要用 AI 同統計學方面嘅技術分析呢啲資料[4]。由上述呢個例子睇得出,要攞同處理醫療健康相關嘅資料,可以用到好複雜嘅技術。
响廿一世紀初,健康資訊科學受到相當嘅重視。醫療健康相關嘅工作者會搵 IT 同人機互動等領域嘅專家合作,研發各種嘅新技術,仲有埋專業嘅學術期刊嚟討論健康資訊科學相關嘅議題[5]。