人工神經網絡
From Wikipedia, the free encyclopedia
人工神經網絡(英文:artificial neural network,ANN,可作粵拼:ei1 en1 en1)係一類數學模型,特徵係設計上模仿生物神經網絡(即係動物嘅中樞神經系統,尤其係個腦)嘅結構同功能:例如一隻靈長目動物嘅腦閒閒哋有
一個 ANN 由大量人工神經細胞組成。用電腦程式整神經網絡嗰陣時,研究者通常會每粒人工神經細胞都同佢設返個數值表示佢啟動程度有幾高[6],而每粒神經細胞嘅啟動程度數值都有條式計,條式包括喺佢之前嗰啲神經細胞嘅啟動程度。啲函數裏面嘅參數可以變化,而如果個神經網絡程式令佢識得靠經驗嚟調整呢啲參數嘅話,個神經網絡就會具有學習能力[7][8]。即係例如個程式每粒細胞有條類似噉嘅算式:
- ;(啟動函數)
代表粒手上粒細胞嘅啟動程度, 代表前排神經細胞當中第 粒嘅啟動程度,而 就係細胞 嘅權重—指佢有幾影響得到 。噉每當一粒人工神經細胞啟動嗰陣,會帶起佢後面啲細胞跟住啟動-似十足生物神經網絡噉[7][9]。
到咗廿一世紀初,ANN 經已俾科學界廣泛噉用落各種問題度。喺應用上,事實證實 ANN 能夠處理機械視覺同語音識別等傳統電腦程式搞唔掂嘅問題[10][11];而理論性質認知科學亦有聯結主義嘅諗頭,主張心靈可以用 ANN 技術嚟模擬[12]。
人工智能史嗰度有詳細啲噉講人工神經網絡呢樣嘢嘅歷史。