中華帝國 (1915–1916)
From Wikipedia, the free encyclopedia
中華帝國,又叫洪憲帝制,係1915年12月12號到1916年3月22號間,當時中華民國大總統袁世凱喺多重因素影響下預備成立嘅一個君主立憲制政權名稱。原定年號洪憲,1916年係洪憲元年,首都北京。但各方勢力接連挑戰,包括蔡鍔領導嘅護國軍、日本支持嘅中華革命黨同埋宗社黨嘅前朝遺老,令中華帝國重未對外國宣布成立便以失敗告終;與此同時,袁世凱對內未有正式登基做皇帝,對外即以「中華民國」做國號。中華帝國從袁世凱接納國民代表推選做皇帝嘅1915年12月12號開始祇有102日,從改元嘅1916年1月1號開始祇有82日。