三豐百貨冧樓(粵讀:saam1 fung1 baak3 fo3 lam3 lau2,韓文:三豐百貨店崩壞事故)係指喺1995年6月29號喺南韓漢城嘅一躉大型百貨公司失驚無神噉冧咗落嚟嘅呢一單嘢。當其時冧緊樓嗰陣,由足足五層嘅百貨大樓冧到落去地下四層,成個過程唔夠十秒。呢單嘢加埋死咗五百零人,九百幾人整親,冇咗二千七億韓圜(約莫有2.08億美金咁多)。呢場冧樓事故係除咗打仗之外韓國傷亡最嚴重嘅災難事故、亦係全球第二嚴重嘅冧樓事故(最嚴重嘅係2013年孟加拉達卡冧樓事故)[1][2]。
Quick Facts 三豐百貨冧樓, 係一個 ...
Close