Thài-ló͘-koh-hō lia̍t-chhia pāi-bé sū-kò͘
2021-nî Hoat-seng tī Hoa-lian-koān ê 408-chhù Thài-ló͘-koh-hō Chhut-kúi Sū-kò͘ / From Wikipedia, the free encyclopedia
Tâi-oân Thih-lō͘ Koán-lí-kio̍k Taroko-hō 408 chhia-chhù pāi-bé (derailment) sū-kò͘[5], sī 2021 nî 4 goe̍h chhe 2 téng-tàu 9 tiám 28 hun tī Tâi-oân Hoa-lian-koān Siù-lîm-hiong Hô-jîn-toān Chheng-chúi pōng-khang pak-kháu, Tâi-thih Pak-hôe-sòaⁿ ê Taroko Chū-kiông-hō lia̍t-chhia pāi-bé ì-gōa. Chē ū 492 lâng lú-khek ê tē 408 chhia-chhù Taroko Chū-kiông-hō beh keng-kòe Hoa-lian Tōa-chheng-chúi pōng-khang chìn-chêng, lòng--tio̍h 1 tâi ùi soaⁿ-piah lak--lo̍h-lâi ê kang-têng-chhia jiân-āu hoat-seng thoat-khám, chē-chē lú-kheh siak khì chhia-gōa, chō-sêng 51 lâng sí-bông kap 178 lâng siū-siong[6][7][8]. Chit-kái ê sū-kiāⁿ sī Tâi-thih ùi 1948 nî Sin-tiàm-khe-kiô hóe-sio-chhia sū-kiāⁿ liáu-āu siōng giâm-tiōng ê pāi-bé sū-kò͘, sí-bông jîn-sò͘ chhiau-kòe 2018 nî Puyuma lia̍t-chhia pāi-bé sū-kò͘ koh khah chē. Mā-sī ùi 1948 nî Tâi-oân Thih-lō͘ Koán-lí-kio̍k sêng-li̍p kap 1949 nî Tiong-hôa-bîn-kok chèng-hú sóa lâi Tâi-oân liáu-āu, siōng giâm-tiōng ê sí-siong sū-kò͘.
Taroko-hō lia̍t-chhia pāi-bé sū-kò͘ | |
---|---|
Pāi-bé ê Taroko-hō hóe-chhia, ùi pōng-khang gōa-kháu khòaⁿ kòe-khì. | |
[[File:|200px|upright=1]] | |
Siông-sè chu-liāu | |
Li̍t-kî |
2021-nî 4-goe̍h chhe-2 09:28 TPS (01:28 UTC) |
Tē-tiám |
Hoa-liân-koān, Siù-lîm-hiong Chheng-chúi pōng-khang; Teh Hô-jîn kah Chông-tek chhia-chām chi-kan; lī So͘-ò chhia-chām (51.45 km (31.97 mi) )[1] |
Keng-ūi-tō͘ | 24.217165°N 121.688439°E / 24.217165; 121.688439 |
Kok-ka | Tâi-oân |
Lō͘-sòaⁿ | Pak-hôe Soàⁿ, Tang-pō͘ Kàn-sòaⁿ |
Ún-êng-siong | 18x18px|link=Tâi-oân Thih-lō͘|alt=Tâi-oân Thih-lō͘ Tâi-oân Thih-lō͘ Koán-lí-kio̍k |
Só͘-iú-chiá | 18x18px|link=Tâi-oân Thih-lō͘|alt=Tâi-oân Thih-lō͘ Tâi-oân Thih-lō͘ Koán-lí-kio̍k |
Ho̍k-bū |
Taroko-hō 408 chhia-chhù ùi Chhiū-nâ chì Tâi-tang |
Sū-kiāⁿ lūi-hêng | Pāi-bé, sio-pōng |
Khí-in | Gî-sū in kang-têng tiàu-hòe-chhia ûi-kui teh pian-pho thêng-chhia, lî-chhiáⁿ bô kò͘-tēng hó, in-chhú chhia-lióng chhu lo̍h-khì thih-ki-lō͘ téng-koân; chō-sêng lia̍t-chhia tui-lòng pāi-bé.[2] |
Thóng-kè chu-liāu | |
Lia̍t-chhia |
8-ê chhia-siuⁿ; Tâi-thih TEM1000-hêng tiān-liân-chhia (TEMU1013+TEMU1014)) |
Chhia-lióng | 1 (kang-têng tiàu-hòe-chhia) |
Sêng-kheh | 492[3] |
Sêng-bū-goân | 4[3] |
Sí-bông | 49[4] |
Tio̍h-siong | 216[4] |