Baden-Württemberg
From Wikipedia, the free encyclopedia
Baden-Württemberg sī Tek-kok se-lâm-pō͘ ê chi̍t-ê liân-pang-chiu, siú-hú sī Stuttgart, jîn-kháu tāi-iok ū 1110 bān lâng, sī Tek-kok tē 3 tōa--ê. Baden-Württemberg chú-iàu ê siâⁿ-chhī ū Freiburg, Heidelberg, Heilbronn, Pforzheim, Reutlingen, Tübingen, kap Ulm.
Baden-Württemberg | |||
|
|||
Keng-hūi-tō͘: 48°32′16″N 9°2′28″E | |||
Kok-ka | Tek-kok | ||
---|---|---|---|
Sêng-li̍p sî-kan | 1952 nî 4 goe̍h 25[1] | ||
Siú-hú | Stuttgart | ||
Chèng-hú | |||
- Chiu-chóng-lí | Winfried Kretschmann (Le̍k-tóng) | ||
- Chip-chèng-tóng | Greens / CDU | ||
- Liân-pang Phêng-gī-hōe se̍k-chhù | 6 (lóng-chóng 69 se̍k) | ||
- Liân-pang Gī-hōe se̍k-chhù | 102 (lóng-chóng 736 se̍k) | ||
Bīn-chek [2] | |||
- Chóng-kiōng | 35,751.46 km2 | ||
Jîn-kháu (2020-09-30)[3] | |||
- Chóng-kiōng | 11,111,496 · 3rd lâng | ||
- Bi̍t-tō͘ | 311/km2 | ||
Sî-khu | CET (UTC+1) | ||
- Jo̍at--lâng | CEST (UTC+2) | ||
GRP (bêng-gī) | €5240 e̍k (2019)[4] · 3rd | ||
Jîn-kin GRP | €47,000 (2019) · Tē 4 | ||
NUTS Khu | DE1 | ||
HDI (2018) | 0.961 (2019)[5] very high · 3rd |
||
Bāng-chām | baden-wuerttemberg |
Le̍k-sú siōng, Baden-Württemberg sī iû Baden, Phó͘-ló͘-se ê Hohenzollern, kap Württemberg che saⁿ ê tē-hng cho͘-sêng--ê. 1952 nî 4 goe̍h, Sai-tekSòng ê Württemberg-Baden, Lâm Baden, kap Württemberg-Hohenzollern saⁿ ê chiu ha̍p-pèng chò Baden-Württemberg. Che 3 ê chiu sī Jī-chiàn liáu-āu Tông-bêng-kok àn-chiàu in ê chiàm-niá-khu tùi thoân-thóng-siōng ê Baden kap Württemberg chhòng-siat--chhut-lâi--ê.
Baden-Württemberg ê keng-chè chin hó, khah chhut-miâ ê sán-gia̍p ū khì-chhia chè-chō, tiān-ki kang-têng, ki-hāi kang-têng kap ho̍k-bū-gia̍p téng-téng. I ê khu-he̍k chóng seng-sán (GRP) tī Tek-kok pâi tē 3 miâ. Tek-kok ū bē-chió tōa kong-si ê chóng-pō͘ siat tī Baden-Württemberg, pau-hâm Bián-juh chi̍p-thoân, Schwarz chi̍p-thoân, Porsche, Bosch and SAP.