ჯვეში რომი
ჯვეში ოქიანუშ ცივილიზაცია / From Wikipedia, the free encyclopedia
ტერმინს ჯვეში რომი მიარზებჷ ანტიკური ჟისახენწჷფო რომიშ იმპერია, ნამუშ ისტორია იჭყაფუ იტალიური ნოღა-სახენწჷფოშ დორსხუაფათ; რომქ წჷმოძინელი ოურდუმე ექსპანსიაშ უკულ გჷნირთუ მუში ბორჯიშ უკაბეტაშ ჟისახენწჷფოთ, უკული რანწკი ომენოღალე ლჷმეფიშ დო დინოხოლენი პოლიტიკური ვასტაბილურალაშ შედეგო ქჷდიჭყუ თიშ გაფარჩაკებაქ, ნამუქჷთ 476 წანას იმპერიაშ ედომუშამი აკოცჷმა გჷმიჭანუ.
შხვა შანულობეფშო ქოძირით რომი (მიარეშანულამი). |
ჯვეშ რომი ვა რდჷ პირველი იმპერია, თის ანდა წიმოხონი ჸუნდჷ. მარკვიალეფიშ არზით, რომაალეფიშ კულტურათ ვა რდჷ ორიგინალური, მარა რომაული სახენწჷფო წკარუა დო სამართალი თიჯგურა რსულჸოფურო რდჷ მერჩქინელი, ნამჷ-და თინა ასეიანი მოსოფელიშოთ ძალამ შანულამი რე.
რომაული ცივილიზაციაშ უმუშო უმწურინუ რე ბჟადალური ცივილიზაციაშ გოვითარაფა. რომიშ ოფიციალური ნინა რდჷ ლათინური, ნამუქთ მადჷ რომიშ იმპერიაშ ედომუშამ ევროპულ ნორთის დო გეგმიქიმინჷ რომანული ნინეფიშ ფანიაქ.