მედიცინა
From Wikipedia, the free encyclopedia
მედიცინა — მენცარობაშ დო პრაქტიკული საქვარუაშ დარგი, ნამუთ მეწურაფილი რე ადამიერეფიშ სინთელუანობაშ თხილუაშ, ლახარეფიშ დუდშე ეღებაშ დო კურნალუაშ, თელარაშ გოგჷნძარაფა. ოშწანურეფიშ გოძვენას ადამიერეფიშ გჷნამორსებუთ დიშაყარჷ ოკურნალე მეშქაშალეფით დო მეთოდეფით, ნამუეფით ატებულქ იჸუ, თინეფს შქას ოკათე მედიცინას დო ნამუეფით მოგვიანაფათ მენცარული მედიცინაშ ნორთო გჷნირთჷ.