გიშაგორუეფი
From Wikipedia, the free encyclopedia
გიშაგორუეფი — ოგიშაგორუე პროცესი, ნამუშ დოშანაფა დო შედეგი რე საჯარო ხეშუულაფაშ წჷმორინაფონი ორგანოეფიშ დო საჯარო ხეშუულაფაშ პოსტიშ პიჯეფიშ გიშაგორუა.
შხვადოშხვა სახენწჷფოშო გიშაგორუეფიშ შხვადოშხვა პროცედურა რე. ირ გიშაგორუეფი ერუანულ სუვერენიტეტიშ ჸოფაშ შვანს, პერიოდულ დო დუდიშულ გიშაგორუეფს გჷმოხანტილ კათაშ ნებას ოკო გერსხუდას. კათაშ ნება გეჸვენჯ ფაქტორეფს იკათუანს:
- საარძო დო წორი ოგიშაგორუე ნება;
- ქიანაშ მართუალას კათაფაშ ნება ბონი, ვარდა დუდიშული გიშაგორუეფიშ შედეგო გიშაგორილი წჷმმარინაფალიშ მეშქაშალათ;
- დორხველურ ქიანას სახენწჷფო ნინალაშ მეღებაშ წორი ნება;
- ფორილი კალიშრღვაფაშ, ვარ-და გიშაგორუეფიშ ანალოგიური პროცედურაშ ნება, ნამუთ გიშმაგორალეფიშ ნებაშ დუდიშულ გჷმოხანტუალას უნარღელჸვენს;
- თინჩალამი აკოშაყარუაშ დუდიშულა;
- ასოციაციეფიშ დუდიშულა;
- ზიტყვაშ დო არზის გჷმოხანტუალაშ დუდიშულა, ირნერი სახეშ ინფორმაციაშ დო იდეეფიშ ზეპირი, ჭარილი, ვარდა ბეშტილი სახეთ გჷთოგორუაშ, მეღებაშ დო გოფაჩუაშ ნებაშამო;
- ქიანაშ მენოღალეეფიშ ნება - დოთირუას მართუალაშ ფორმა კონსტიტუციური პროცედურეფიშ მეშქაშალათ.