ბრაზილიაშ შტატეფი
From Wikipedia, the free encyclopedia
ბრაზილიაშ შტატეფი (პორტ. estados brasileiros) – ბრაზილია ფედერაციული რესპუბლიკა რე, ნამუთ აკმოდირთუ 26 შტატშე (პორტ. estados) დო ართი ფედერალური ოლქიშე, ნამუთ იკათუანს ნანანოღა ბრაზილიას. შტატეფი თარო ისტორიული რე, მარა კანკალე ხურგა თე წესის ვადოჸუნს. 1955 წანას, პრეზიდენტი ჟუან კაფე ფილიუქ გოიასიშ შტატიშე გეგშართჷ ტერიტორია ფედერალური ოლქიშო. ოლქის უხურგანს გოიასი დო მინას-ჟერაისი.
მაართა ადმინისტრაციული დჷნართი ბრაზილიას რდჷ მონძალაფონი საკაპიტანოეფი.
იბერიაშ უნიაშ (1580-1640) უკული, პორტუგალიაშ ოპატჷნალეფი ობჟათე ამერიკას ხოლო უმოსო მიძინჷ დო ტერიტორიეფქ დირთჷ საკაპიტანოეფო, ომაფე საკაპიტანოეფო დო პროვინციეფო.
1822 წანას, ზოხორინალაშ მეღებაშ უკული, ბრაზილიაქ გჷნირთჷ იმპერიათ დო არძა საკაპიტანო პროვინციათ გჷნართინუ. კოლონიურ პერიოდის არსებული დახე არძა ხურგა ხეუმუთხუმო ქჷდოსქიდუ. 1889 წანას, ბრაზილიაშ რესპულიკათ გჷმოცხადებაშ უკული არძა პროვინციას შტატიქ გიადჷ ჯოხოთ.