ISO 3166-2
From Wikipedia, the free encyclopedia
სტანდარტი ISO 3166-2 — სტანდარტიზაციაშ ოერეფოშქაშე ორგანიზაციაშით გიშაშქუმალირი სტანდარტ ISO 3166-იშ ნორთი, ნამუთ გჷთმოთანჯუნს გეოკოდეფს არძა ქიანაშ ტერიტორიაშ პირველი ვარ-და პირველი დო მაჟირა დონეშ ადმინისტრაციულ-ტერიტორიული დორთუალაშ თარი ართულეფშო. პირველო სტანდარტიქ გჷმიბჟინუ 1998 წანას.
სტანდარტ ISO 3166-2-იშ ღანკი რე არძა ქიანაშ ადმინისტრაციულ-ტერიტორიული დჷნართიშ ომანგე ართულეფშო ოერეფოშქაშე სტანდარტიშ მეჩამას კუნტა დოა უნიკალური ალფავიტ-ცირფული გეოკოდეფით, უმოსი მოხუჯური დო მერკეთ ართშანულამაი ფორმეფით, ვინდარო თინეფიშ ედომუშამი ჯოხოდვალა. ISO 3166-2-იშ მეჯინთ ირი კოდი აკმოდირთჷ დეფისით გიშართილი ჟირი ნორთიშე:
- გეოკოდიშ პირველი ნორთი რე სახენწჷფოშ დომენ-კოდი, ISO 3166-1-იშ Alpha2 სტანდარტიშ მეჯინათ;
- მაჟირა ნორთი — ართ-, ჟირ- ვარ-და სუმსიმბოლოიანი კოდი, გჷმირინუაფუ მუჭოთ ასოეფი, თაშნეშე ცირფეფი.
რჩქვანელობური ასოამი კოდიქ გიჭყჷ სახენწჷფიოეფიშ ტერიტორიეფიშ, რეგიონეფიშ, პროვინციეფიშ, ოლქებიშ, რაიონეფიშ, საგრაფოეფიშ, ნოღეფიშ, ნოღაშ ნორთეფიშ დო შხვეფიშ ადმინისტრაციულ-ტერიტორიული დჷნართუეფიშ ართულეფიშ ჯოხოდვალაშ მოგვენო ვარ-და თინეფიშ ინგლისურნინამი აბრევიატურათ.
სტანდარტ ISO 3166-2-იშ გეოკოდეფი გოჭყაფილი რე სახენწჷფოეფიშ ტერიტორიეფიშ ადმინისტრაციულ-ტერიტორიული დორთუალაშ დუდმაართა მუნაჩემეფიშ წჷმორინაშ ხემანჭუაფაშ მოღვენი ორგანიზაციეფიშ — სტატისტიკაშ, გეოგრაფიაშ, სტანდარტიზაციაშ დო შხვა ერუანული ორგანოეფიშ დუდმაარტა მუნაჩემეფიშ ოსხირშა.