უკრაინაშ შილა
From Wikipedia, the free encyclopedia
უკრაინაშ შილა (უკრაინ. державний прапор України) — უკრაინაშ სახენწჷფო სიმბოლო გერბი დო ჰიმნწკჷმა ართო. წჷმარინუანს ჸვინთელი (გიმე) დო ლენი (ჟილეშე) წორწო ზჷმაშ ჰორიზონტალური ღოზეფშე აკოდვალირი თინკუნთხუ ნოჭკერს (უკრაინაშ კონსტიტუცია, ბირგული 20).
უკრაინაშ სახენწჷფო შილა | |
უკრაინა | |
1992 წანაშ 28 ღურთუთას (პირველო 1918 წანას). | |
ჸვინთელი (გიმე) დო ლენი (ჟილეშე) წორწო ზჷმაშ ჰორიზონტალური ღოზეფშე აკოდვალირი თინკუნთხუ. |
ლენ-ჸვინთელი შილა, მუჭოთ ერუანული შლა, ოფიციალურო გჷმირინუაფუდუ 1848 წანაშე, მუჟანს თინა ლვოვიშ რატუშას მაშანგესჷნ. მუჭოთ სახენწჷფო შილა ოფიციალურო დანტკიცეს 1918 წანას კუნტახანიშ უკრაინაშ ოკათე რესპუბლიკაშ ჸოფაშის. უკრაინაშ სხუნუეფიშ რსხუშ აკოდგინალუას ჸოფაშის, 1949 წანაშახ, თინა წჷმარინაუნდჷ ვაოფიციალურ სახენწჷფო შილას უკრაინაშ სხუნუეფიშ სოციალისტური რესპუბლიკაშ ლენ-ჭითა შილაშ მეღებაშახ. სხუნუეფიშ უკრაინას ლენ-ჸვინთელ შილშ გჷმორინაფა კანონით ისაჯებუდჷ. 1991 წანას, უკრაინაშ ზოხორინალაშ გჷმოცხადებაშ უკული შილა გჷმირინუაფუ ოფიციალურ ცერემონიეფს. ლენ-ჸვინთელ შილა ხეახალშო მიღეს 1992 წანას.
უკრაინას ეიშანუაფუ შილაშ დღა ირი წანაშ 23 მარაშინათუთას 2004 წანაშე.[1]