მაკინოშ კოკი
From Wikipedia, the free encyclopedia
მაკინოშ კოკი — კოკი დო კურორტი, ნამუთ ფორჷნს 9.8 კმ-ს. იდვალუაფუ ააშ-ს, მიჩიგანიშ შტატის. კოკი აშაძჷ ჰურონიშ ტობას, მაკინოშ საროტიშ ბჟაეიოლშე, ჟიმოლენ დო თუდოლენ ჩქონეფს შქას. კოკის ოხორანდეს ამერიკაშ აბანობური კათეფი, სოიშახ ვამკორჩქინდეს ევროპალეფქ მა-17 ოშწანურას. თაქი რდჷ სტრატეგიულო მოხუჯური აბანი დიდ ტობეფს შქას ვაჭრუაშო. თეშ გეშა კოკის ქჷდარსხუეს ფორტ მაკინო ბრიტანალეფქ ამერიკაშ რევოლუციაშ ლჷმაშ მიმალობაშ ბორჯის. თაქ მოხვადჷ ჟირ ლჷმაქ 1812 წანას.
ორდოიან მა-19 ოშწანურას, მაკინოშ კოკიქ გინირთჷ პოპულარულ ტურისტულ ოქინაფუთ. კოკი მერჩქინელი რე ნაციონალურ ისტორიულ ობიექტო. თინა ჩინებული რე მიარე კულტურულ მოლინეფით, მიარე არქიტექტურული სტილით, თინეფ შქას ვიქტორიანული Grand Hotel. თაქ არძონერი ავტომანქანაშ ყარაფი აკრძალური რე. კოკიშ 80%-შ უმოსი თხილერი რე, მუჭოთ მაკინოშ კოკიშ სახენწჷფო პარკი.