ზორა ნიელ ჰერსტონი
From Wikipedia, the free encyclopedia
ზორა ნიელ ჰერსტონი (ინგლ. Zora Neale Hurston; დ. 7 ღურთუთა, 1891, ნოტასალგა, ალაბამა, ააშ — ღ. 28 ღურთუთა, 1960, ფორტ-პირსი, ფლორიდა, ააშ) — ამერიკალი ჭარუ, ნოველისტი, ანთროპოლოგი დო ფოლკორისტი. მუშ ნახანდეფს ეთმოჭარუნს რასობრივ ლჷმას, 1900-იან წანეფიშ ამერიკას. ჰერსტონიქ გიმირკვიუ სპირიტიზმიშ ართ-ართი ფორმა ჰუდუ. ჰერსტონი რე ავტორი შხვადოშხვა რომანეფიშ, დრამეფიშ, ესსეეფიშ დო კუნტა თხობელუეფიშ. თიშ არძაშე უმოსო ჩინებული რომანი რე თინეფიშ თოლეფქ ღორონთი ქოძირესი, ნამუქჷთ 1937 წანას გიშართჷ.
ზორა ნიელ ჰერსტონი | |
დაბადებაშ თარიღი: | |
---|---|
დაბადებაშ აბანი: | |
ღურაშ თარიღი: |
ღურთუთა 28, 1960 (69 წანერი) |
ღურაშ აბანი: |
ფორტ-პირსი, ფლორიდა, ააშ |
ერუანობა: | |
საქვარუა: | |
პერიოდი : |
1925 – 1950 |
Magnum opus: |
თინეფიშ თოლეფქ ღორონთი ქოძირესი (1937) |
ნინა: | |
ზორა ნიელ ჰერსტონიქ დებადჷ ალაბამაშ შტატიშ ნოღა ნოტასალგას, აფრო-ამერიკალეფიშ ფანიას. გურაფულენდჷ ჰოვარდიშ უნივერსიტეტის, ბარნარდიშ კოლეჯის დო კოლუმბიაშ უნივერსიტეტის. ჰერსტონიშ ინტერესეფიშ სფერო რდჷ: აფრო-ამერიკალეფიშ ეთნოგრაფია, ფოლკლორი, აფრო-ამერიკალეფიშ რინაშ წესი დო რიტუალეფი. ჰერსტონიშ ნაჭარეფს დიდი არდგილი უკინებჷ აფრო-ამერიკალეფიშ კულტურულ ჸარაფის - ჰარლემიშ რენესანსის. ჰერსტონი იკოროცხუ ჰარლემიშ რენესანსიშ ცენტრალურ ფიგურათ.