ალექსეი ტოლსტოი (1817–1875)
From Wikipedia, the free encyclopedia
გრაფი ალექსეი კონსტანტინეშ სქი ტოლსტოი (რუს. Граф Алексе́й Константи́нович Толсто́й; დ. 5 ეკენია [ჯვ. სტ. 24 მარაშინათუთა], 1817, სანქტ-პეტერბურგი, რუსეთიშ იმპერია — ღ. 10 გჷმათუთა [ჯვ. სტ. 28 ეკენია], 1875, კრასნი როგი, მგლინიშ მაზრა, ჩერნიგოვიშ გუბერნია, რუსეთიშ იმპერია) — რუსი პოეტი, ნოველისტი, ჭარუ დო დრამატურგი.
ალექსეი ტოლსტოი | |
დაბადებაშ თარიღი: | |
---|---|
დაბადებაშ აბანი: | |
ღურაშ თარიღი: |
გჷმათუთა 10, 1875 (58 წანერი) |
ღურაშ აბანი: |
კრასნი როგი, მგლინიშ მაზრა, ჩერნიგოვიშ გუბერნია, რუსეთიშ იმპერია |
ერუანობა: | |
საქვარუა: | |
პერიოდი : |
1830—1875 |
Magnum opus: |
ივანე უბადოშ ღურა (1866) |
ჟანრი: |
პოეზია დო პროზა |
ნინა: | |
ჯილდოეფი: |
წიმინდე სტანისლავიშ ორდენი |
შინელი რე ისტორიული დრამეფიშ ტრილოგიათ ივანე უბადოშ ღურა (1866), ცარი ფიოდორ იოანოვიჩი (1868), ცარი ბორისი (1870). თიში შხვა ნახანდეფიშე ეიოშანალი რე სატირული ხასიათიშ ნაწარმებეფი რუსეთიშ სახენწჷფოშ ისტორია გოსტომისლიშე ტიმაშევიშა, პოპოვიშ სისმარი. თაშნეშე ალექსეი ტოლსტოი ავტორი რე გოთიკური ნოველეფიშ ვურდალაკიშ ფანია, ვამპირი დო ისტორიული ნოველაშ პატონი სერებრიანი.
ალექსეი ტოლსტოი რდჷ გიშარჩქინელი ჭარუშ ლევ ტოლსტოიშ ბიძისკუა. ალექსეი ტოლსტოიქ დებადჷ დინდარი ფანიას. გურაფულენდჷ მოსკოვიშ უნივერსიტეტის. ახალნორდობაშე ბრელს შარალენდჷ: გერმანიას, იტალიას დო შხვადო. გერმანიას რინაშ ბორჯის გეჩინებაფუ იოჰან ვოლფგანგ ფონ გოეთე.
ალექსეი ტოლსტოი დუდშე დაინტრესებული რდჷ პოეზიათ. ლიტერატურული კარიერა 1830-იან წანეფიშე დიჭყჷ. მუშენდჷ სახენწჷფო ნინალეფს. 1856 წანას რუსეთიშ იმპერატორქ ალექსანდრე II-ქ ტოლსტოი ქუდარინუ მუში პერსონალურ ადიუტანტო. ტოლსტოი მონაწილენდჷ ყირიმიშ ლჷმას. უკინებუდჷ მაიორიშ ჩინი. 1860-იან წანეფს სახენწჷფო ნინალეფი ქიდიტუ დო ბორჯი უმოსო დუთმუ ლიტერატურული კარიერას.