Algemêen Nederlands
From Wikipedia, the free encyclopedia
't AN es de ofkortienge vo Algemêen Nederlands of Nederlands in 't olgemeen. 't Es de officiële toale in Vloandern, Olland, Surinoame en d'Ollandsche Antilln. In 't Nederlands klappn ze van Standaardnederlands; in West-Vloandern zeggen ze doateegn Schôon Vlams.
Vroeger was 't er gin algemêne spellienge of toale, moa gelydelik is 't er een uniforme toale ountwikkeld gewist. De toale noemden ze 't ABN, wuk da stound vôor "Algemeen Beschaafd Nederlands". Da "beschoafd" werd loater weggeloatn, omda je doadeure zoe peizn da menschn die anders klappn nie beschoafd zoen zyn.