Ôost-Friesland
From Wikipedia, the free encyclopedia
Ôost-Friesland (Duuts: Ostfriesland, Nedersaksisch: Oostfreesland) is e Duutsche streeke in 't uuterste nôordwestn van de dêelstoat Nedersaksn, in 't kustgebied die verboendn is met de Nôordzee. 't Grenst an de Waddnzêe in 't nôordn en an d' Hollandsche provinsje Groningen in 't westn. D' Ôost-Friesche Waddneilandn, Borkum, Juist, Norderney, Baltrum, Langeoog en Spiekeroog, moakn ook dêel uut van 't gebied.
Alhoewel dat Ôost-Friesland algemêen bekend is en g'accepteerd wordt ols historische, culturele regio, vormt 't gêen administratieve êenheid nie mè. 't Gebied bestoat nu uut de Landkreisn Aurich, Leer en Wittmund en de kreisfreie Stadt Emden. Aurich is d' historische hoofdstad van Ôost-Friesland en nu nog zetel van d' Ostfriesische Landschaft. Der zyn discuusjes goande over e meugelijyke soamnvoeginge toet één Landkreis Ostfriesland.
Ôost-Friesland èt een ippervlak van 3142 km² en e goeie 465.000 inweuners. 't Gebied is met 148 inweuners per km² relatief dinne bevolkt.