Iberoamèrica
From Wikipedia, the free encyclopedia
L'Iberoamèrica o anca grafegamente iscrivesta cofà Ibero-Amèrica (in spagnoło: Iberoamérica, in portogheze: Ibero-América, in ingleze: Ibero-America) o Amèrica Ibèrega ła ze na rejon del continente american che ła unise tuti chei teritori antigamente sotoponesti al domìnio cołòniałe del Portogało e de ła Spagna e inte el cuało el spagnoło e el portogheze łe ze atualmente łéngue ufisałi.
L'Ibero-Amèrica ła ga un totałe de 20 591 128km2 de superfise[4] e na popołasion de 380.900.000 (dato del 2019[5]). Ła ga grandi resorse naturałi; ojo, fero, rame, arzento, legno, cultivi e pese. L'inalsamento de ła popołasion, co cueło de l'Africa, ła ze el pì granda del mondo (2,7% a l'ano, intrà el 1965-1975).
El prefiso Ibero- e l’ajetivo Ibèrega i fa referimento a ła Penizoła Ibèrega, situada inte el continente eoropeo, che ła conprende Portogało e Spagna. L'Iberoamèrega ła ze un'àrea che ła ingrupa tuti i stati ispanòfoni de l’Amèrica del nord, sentrałe e sud e el Braziłe lusòfono. Ła ze difarente da l'Amèrica Latina ponesto-ché, defarentemente de st'ùltema, no ła conprende i stati de łéngua franseze situai inte łe Amèriche, inte el partegołare Haiti, i departementi de ła Guyana franseze, de ła Martinnica e de ła Guadalupa e łe cołetività d'oltremare de Saint Martin e Saint-Barthélemy . In pì i stati de Belize, Guyana e Suriname, łe cuałe łéngue ufisałi łe ze respetivamente l'ingleze e l'ołandeze, no i ze considerai partegnenti a l'Iberoamèrega e gnanca a l'Amèrica Latina.
Partindo dal 1991, la Comunità Iberoamericana de łe Nasion ła organizza anualmente el Summit Iberoamerican, un vèrteze che el reunise i cai de stato e de goerno dei paezi iberoamericani, al cuało i ghe partèsipa Spagna, Portogało e anca Andora [6][7].