ہندی -عربی نظام عدد
From Wikipedia, the free encyclopedia
سانچہ:Numeral systems
ہندی۔عربی نظام عدد (انگریزی: Indo–Arabic numeral system)[1]یا ہندی نظام عدد (Indian numeral system)[2]ایک حیثیت مقام اعشاری نظام عدد ہے، جو موجودہ وقت میں سب سے زیادہ عام اعداد کی علامتی نمائندگی کا نظام ہے۔
یہ ہندی ریاضی دانوں کی طرف سے پہلی اور چوتھی صدیوں کے درمیان ایجاد کیا گیا۔ یہ نظام فارسی مسلمان ریاضی دانوں نے اپنایا اور اسے ترقی دی (الخوارزمی، 825ء حساب مع ہندی اعداد)۔ اسے عرب ریاضی دانوں نے بھی اپنایا (یعقوب ابن اسحاق الکندی، 830ء ہندی اعداد کا استعمال)۔ بعد میں یہ اواخر قرون وسطی میں مغربی دنیا میں پھیل گیا۔
یہ نظام اعشاری یعنی اساس دس (دراصل نو) کا نظام ہے۔
اس علامتی سلسلہ کو تین اہم خاندانوں میں تقسیم کیا جا سکتا ہے: ہندی اعداد جن کا استعمال بھارت میں کیا جاتا ہے، مشرقی عربی اعداد جن کا استعمال مشرق وسطی اور مصر میں ہوتا ہے اور مغربی عربی اعداد جو المغرب اور یورپ میں استعمال ہوتے ہیں۔