کاشغر
شنجیانگ، چین میں ایک بڑا شہر / From Wikipedia, the free encyclopedia
کاشغر (باضابطہ نام کاشی) عوامی جمہوریہ چین کے خود مختار علاقے سنکیانگ/چن کیانگ کا ایک شہر ہے جس کی آبادی 205،056 (بہ مطابق 1999ء) ہے۔
喀什市 · قەشقەر شەھرى | |
---|---|
کاؤنٹی سطح شہر | |
کاشغر | |
کاشغر پریفیکچر(قلم رو) میں کاشغر کا مقام | |
ملک | عوامی جمہوریہ چین |
علاقہ | سنکیانگ |
پریفیکچر | کاشغر |
رقبہ | |
• کاؤنٹی سطح شہر | 555 کلومیٹر2 (214 میل مربع) |
• میٹرو | 2,818 کلومیٹر2 (1,088 میل مربع) |
بلندی | 1,270 میل (4,170 فٹ) |
آبادی (2010 مردم شماری [1]) | |
• کاؤنٹی سطح شہر | 506,640 |
• کثافت | 910/کلومیٹر2 (2,400/میل مربع) |
• میٹرو | 819,095 |
• میٹرو کثافت | 290/کلومیٹر2 (750/میل مربع) |
منطقۂ وقت | GMT+6 (de facto)[2] |
ڈاک رمز | 844000 |
ٹیلی فون کوڈ | 0998 |
ویب سائٹ | http://www.xjks.gov.cn/ |
کاشغر Kashgar | |||||||||||
---|---|---|---|---|---|---|---|---|---|---|---|
چینی نام | |||||||||||
چینی | 喀什 | ||||||||||
| |||||||||||
متبادل چینی نام | |||||||||||
سادہ چینی | 喀什噶尔 | ||||||||||
روایتی چینی | 喀什噶爾 | ||||||||||
| |||||||||||
اویغور نام | |||||||||||
اویغور | قەشقەر | ||||||||||
|
یہ شہر صحرائے تکلامکان کے مغرب کی جانب کوہ تیان شیان کے دامن میں دریائے کاشغر کے کنارے پر واقع ہے۔ سطح سمندر سے اس کی بلندی 1290 میٹر (4232 فٹ) ہے۔
وادئ جیحوں کی جانب سے خوقند، سمرقند، الماتے اور دیگر شہروں سے آنے والے راستوں کے وسط میں واقع ہونے کے باعث ماضی میں یہ شہر سیاسی و کاروباری مرکز رہا ہے۔
موجودہ شہر کے 200 کلومیٹر دور مغرب سے کرغزستان کی سرحد کے قریب شاہراہ ریشم گذرتی ہے جہاں سے جنوب مغرب کی جانب بلخ اور شمال مغرب کی جانب فرغانہ کے آسان راستے جاتے ہیں۔
کاشغر بذریعہ شاہراہ قراقرم و درہ خنجراب پاکستان کے دار الحکومت اسلام آباد سے منسلک ہے اور درہ تورگرت اور ارکشتام سے کرغزستان سے ملا ہوا ہے۔
دریائے کاشغر سے آبیار ہونے والی زمینوں پر کپاس، اناج اور پھل کاشت کیے جاتے ہیں۔ علاوہ ازیں قریبی چرا گاہوں میں گلہ بانی بھی کی جاتی ہے۔ قدیم شاہراہ ریشم کے کنارے واقع اس شہر میں صدیوں سے تاجروں کے کاروانوں کے لیے روایتی ہاتھ سے بنے کپاس اور ریشم کے پارچہ جات، قالین، چمڑے کی مصنوعات اور زیورات تیار کیے جاتے تھے جو آج بھی یہاں کی اہم صنعت ہیں۔ ترکوں کے اویغور قبیلے سے تعلق رکھنے والے مسلمان یہاں اکثریت میں ہیں۔