جغرافیہ اسلام آباد
From Wikipedia, the free encyclopedia
اسلام آباد سلسلہ کوہ مارگلہ کے دامن میں سطح مرتفع پوٹھوہار کے کنارے پر واقع ہے۔ اس کی بلندی 507 میٹر (1663 فٹ) ہے۔[1] جدید دارالحکومت اسلام آباد اور قدیم شہر راولپنڈی ایک دوسرے کے ساتھ منسلک ہیں اور انھیں عام طور پر جڑواں شہر کہا جاتا ہے۔ شہر کے مشرق میں مری اور تحصیل کوٹلی ستیاں واقع ہیں۔ شمال میں خیبر پختونخوا کا ضلع ہری پور ہے۔ کہوٹہ شمال مشرق میں، شمال مغرب میں ٹیکسلا، واہ اور ضلع اٹک، شمال مشرق میں گوجرخان، کلر سیداں، روات اور مندرہ جبکہ جنوب مغرب میں راولپنڈی واقع ہے۔