جسٹن شہید
From Wikipedia, the free encyclopedia
جسٹن شہید کے نام کے علاوہ عالم مسیحیت میں مقدس جسٹن کے نام سے بھی معروف و مشہور ہیں۔ وہ ایک مسیحی فلاسفر اور الٰہیات دان تھے۔ انھوں نے 139ء سے 161ء کے درمیان غیر مسیحیوں کے جواب لکھے جو وہ انجیل پر کرتے تھے۔ ان کی کتابوں میں انجیل کی آیات بکثرت موجود ہیں۔ ان کتابوں کا متن پرانے سریانی اور قدیم لاطینی ترجموں کے مطابق ہے۔ ان کو بعد میں ان کے کچھ شاگردوں کے سمیت قتل کر دیا گیا تھا، اسی وجہ سے وہ ”شہید“ کہلاتے ہیں۔ انگلیکان کلیسیا، مشرقی راسخ الاعتقاد کلیسیا، اورینٹل راسخ الاعتقادی، لوتھریت و کاتھولک کلیسیا کے پیروکار ان کو ”مقدس“ کا درجہ دیتے ہیں۔ ان کا شمار آبائے کلیسیا میں بھی کیا جاتا ہے۔