اسلام کے مقدس ترین مقامات
From Wikipedia, the free encyclopedia
اسلام کے مقدس ترین مقامات (انگریزی: Holiest sites in Islam) وہ مساجد اور عبادت گاہیں ہیں جن کا ذکر قران یا حدیث میں آیا ہے۔[2] حجاز میں موجود دو شہر مکہ،[3] اور مدینہ منورہ[4][5][6] بلا تفریق مسلک و عقیدہ سب سے نزدیک مقدس ترین شہر ہیں۔[1] اسلامی تعلیمات کے مطابق خانہ کعبہ خدا کا پہلا گھر ہے اور مقدس ترین عبادت گاہ ہے۔ خانہ کعبہ مکہ شہر میں واقع ہے جو پیغمبر محمد بن عبداللہ صلی اللہ علیہ و آلہ وسلم کی جائے پیدائش بھی ہے۔ خانہ کعبہ کے بعد دوسرا مقام مسجد نبوی کا ہے جو مدینہ منورہ میں واقع ہے۔ تیسری مقدس ترین مسجد حرم قدسی شریف ے جسے بیت المقدس اور مسجد الاقصی بھی کہتے ہیں جو یروشلم میں واقع ہے۔[2][7]
مذکورہ تین مقدس مساجد کے بعد چوتھی مسجد کے بارے میں کئی اقوال ہیں جن میں دمشق کی مسجد اموی،[8][9][10] قیروان کی جامع مسجد،[11][12][13] الخلیل کی مسجد ابراہیم،[14] اور ان کے علاوہ بخارا،[15][16] استنبول کے ضلع ایوب [17][18] اور برار میں بھی کئی مساجد ہیں۔[19][20]