Уйпал Америка
континент / From Wikipedia, the free encyclopedia
Уйпал Америка (англ. North America, фр. Amérique du Nord, исп. América del Norte, Norteamérica) — Музъем планеталэн Ӝытпал полушарияз интыяськем материк. Уйпал Америкае ӵем дыръя Шор Америкаез пыртыло. Та континентлэн быдӟалаез — 20,36 млн км², шормуӵъёсыныз ӵош — 24 365 000 км².
Уйпал Америкаысь тужгес бадӟымесь шормуӵъёс: Гренландия, Канадаысь Арктика архипелаг, Вест-Индия но материклэн шунды пуксён пал ярдуръёсыз вӧзысь шормуӵъёс — Алеут шормуӵъёс, Александрлэн архипелагез, Шарлотта Королевалэн шормуӵъёсыз, Ванкувер но мукетъёсыз.
Уйпал Америкалэн уйпалаз — Уйпал Йӧ океан но Гудзон сюмез, шунды ӝужан палаз — Атлантик океан но Мексика сюмез, шунды пуксён палаз — Чалмыт океан но Калифорни сюмез. Бадӟымесь мукожъёсыз: уйшор палан — Бутия, Мелвилл, шунды ӝужан палан — Лабрадор, Флорида, Юкатан, шунды пуксён палан — Калифорния, Аляска, Сьюард.