Bulakan, Bulacan
bayan ng Pilipinas sa lalawigan ng Bulakan / From Wikipedia, the free encyclopedia
Ang Bayan ng Bulakan ay isang ika-1 klaseng bayan sa lalawigan ng Bulacan, Pilipinas. Matatagpuan ito sa layong 35 kilometro (22 milya) hilaga ng Maynila. Ayon sa senso ng 2020, ito ay may populasyon na 81,232 sa may 20,746 na kabahayan.
Bulakan Bayan ng Bulakan | ||
---|---|---|
| ||
Mapa ng Bulacan na nagpapakita sa lokasyon ng Bulakan. | ||
Mga koordinado: 14°47′34″N 120°52′44″E | ||
Bansa | Pilipinas | |
Rehiyon | Gitnang Luzon (Rehiyong III) | |
Lalawigan | Bulacan | |
Distrito | Unang Distrito ng Bulacan | |
Mga barangay | 14 (alamin) | |
Pamahalaan | ||
• Manghalalal | 54,329 botante (2022) | |
Lawak | ||
• Kabuuan | 72.90 km2 (28.15 milya kuwadrado) | |
Populasyon (Senso ng 2020) | ||
• Kabuuan | 81,232 | |
• Kapal | 1,100/km2 (2,900/milya kuwadrado) | |
• Kabahayan | 20,746 | |
Ekonomiya | ||
• Kaurian ng kita | ika-1 klase ng kita ng bayan | |
• Antas ng kahirapan | 4.00% (2018)[2] | |
• Kita | ₱261,456,985.61 (2020) | |
• Aset | ₱798,756,454.12 (2020) | |
• Pananagutan | ₱532,243,055.60 (2020) | |
• Paggasta | ₱224,881,850.99 (2020) | |
Kodigong Pangsulat | 3017 | |
PSGC | 031405000 | |
Kodigong pantawag | 44 | |
Uri ng klima | Tropikal na monsoon na klima | |
Mga wika | wikang Tagalog |
Ang Bulakan na isa sa pinakamatandang mga bayan sa Pilipinas ay naging "encomienda" o kabisera ng Provincia de la Pampanga, at paglaon ay naging unang kabisera ng lalawigan ng Bulacan bago inilipat ito sa Malolos noong 1930, pagkatapos ng pananakop ng mga Amerikano. Sa bayang ito ipinanganak si Marcelo H. del Pilar, isang Pilipinong makabayan na naglimbag ng babasahing La Solidaridad. Dito rin ipinanganak ang kanyang pamangking si Gregorio del Pilar, isang Pilipinong Heneral noong himagsikan, at ni Soc Rodrigo, dating senador ng Pilipinas.
Kaugnay sa paggamit ng mga titik "c" o "k" upang itukoy sa bayan ng Bulakan, isinasaad sa Kabanata 2, Seksiyon 15 ng Bagong Panlalawigan na Kodigong Pampangasiwaan ng Bulacan (Ordinansa Blg. C-004) noong 2007 na ang salitang "Bulakan" ay tumutukoy sa bayan at ang unang kabisera ng lalawigan habang sa mismong lalawigan naman ang salitang "Bulacan."[3]