సంభావ్యత
From Wikipedia, the free encyclopedia
ప్రమాణికరణాన్ని సంఖ్యాత్మకంగా తెలుపడాన్ని సంభావ్యత అంటారు. ఇది ఒక ప్రతిపాదన నిజం కావడానికి సంఖ్యా వివరణలు ఇచ్చే గణితశాస్త్ర విభాగం. ఒక ఘటన సంభావ్యత 0 నుండి 1 వరకు ఉంటుంది, 0 అనేది ఘటన అసంభవత్వాన్ని తెలియజేయగా 1 ఆ ఘటన నిశ్చయత్వాన్ని సూచిస్తుంది, ఘటన సంభావ్యత సంఖ్య పెరిగికొద్దీ ఘటన చోటు చేసుకునే అవకాశాలు ఎక్కువైతాయి.[1][2] నిష్పాక్షికమైన నాణెం విసిరేయడం సంభావ్యతకి ఒక ఉదాహరణ.నిష్పాక్షికమైన నాణ్యం విసిరినప్పుడు బొమ్మ బొరుసు సంభావ్యత సమానంగా ఉంటుంది , బొమ్మ లేదా బొరుసు సంభావ్యత 1/2 లేదా 50% అని రాయవచ్చు.[3]
ఈ భావనలకు సంభావ్యత సిద్ధాంతంలో యాక్సియోమాటిక్ గణిత సూత్రాలు ఇవ్వబడినవి, ఇది గణాంకాలు, గణితం,వాణిజ్యం , జూదం, కృత్రిమ మేధస్సు (ఆర్టిఫిషల్ ఇంటలిజెన్స్ ), యంత్ర అభ్యాసం ( మెషిన్ లెర్నింగ్), కంప్యూటర్ విజ్ఞానం ఇంకా తత్వ శాత్రం వంటి అధ్యయన రంగాలలో విస్తృతంగా ఉపయోగించబడుతుంది.[4] సంక్లిష్ట వ్యవస్థల విశ్లేషణ పద్దతిని అలాగే క్రమబద్ధతలను వివరించడానికి సంభావ్యత సిద్ధాంతం ఉపయోగించబడుతుంది.