లెగ్ స్పిన్
From Wikipedia, the free encyclopedia
లెగ్ స్పిన్ అనేది క్రికెట్లో ఒక రకమైన స్పిన్ బౌలింగు. లెగ్ స్పిన్నరు కుడిచేత్తో, మణికట్టును తిప్పుతూ బంతికి స్పిన్ను ఇస్తూ బౌలింగు చేస్తాడు. పిచ్పై బంతి బౌన్స్ అయ్యాక బంతి, కుడి నుండి ఎడమకు (బౌలరు దృక్కోణం నుండి) స్పిన్ అవుతుంది. కుడిచేతి బ్యాటరుకు, అది లెగ్ సైడ్ నుండి ఆఫ్ సైడుకు పోతుంది. అందుకే దీనికి లెగ్ బ్రేక్ అని పేరు వచ్చింది. [1]
లెగ్ స్పిన్నర్లు ఎక్కువగా లెగ్ బ్రేక్లను బౌల్ చేస్తారు. లైను, లెంగ్తులను మారుస్తూ వైవిధ్యం తీసుకువస్తారు. బంతి సైడ్ స్పిన్, టాప్స్పిన్ లను మార్చడం కూడా చేస్తారు. లెగ్ స్పిన్నర్లు సాధారణంగా గాలిలో బంతిని లూప్ చేయడం, ఫ్లైట్ చేఅయదం లోని వైవిధ్యాలను కూడా ఉపయోగిస్తారు. బంతిని బౌన్స్ అవడానికి ముందు డిప్ చేయడం, డ్రిఫ్ట్ చేయడం చేస్తారు. లెగ్ స్పిన్నర్లు గూగ్లీ వంటి ఇతర రకాల డెలివరీలను కూడా వేస్తారు.
వివిధ మూలాల్లో 'లెగ్ స్పిన్', 'లెగ్ స్పిన్నర్', 'లెగ్ బ్రేక్', 'లెగ్గీ' అంటూ వివిధ రకాలుగా దీన్ని ఉదహరిస్తారు.
టెస్టు క్రికెట్ చరిత్రలో అత్యధిక వికెట్లు తీసిన రెండవ, నాలుగవ బౌలర్లు షేన్ వార్న్, అనిల్ కుంబ్లేలు లెగ్ స్పిన్నర్లే. [2] లెగ్ స్పిన్కు ఒక ప్రసిద్ధ ఉదాహరణ వార్న్ వేసిన బాల్ ఆఫ్ ది సెంచరీ.