లులు మాల్
From Wikipedia, the free encyclopedia
లులు ఇంటర్నేషనల్ షాపింగ్ మాల్ కేరళ రాష్ట్రం కొచ్చిలో నెలకొని వున్న భారతదేశంలోని అత్యంత విశాలమైన షాపింగ్ మాల్.[3][4][5] ప్రతిరోజు సగటున 80,000 మంది ఈ మాల్ను సందర్శిస్తారు. కేరళలో ఎక్కువ మంది పర్యాటకులు సందర్శించే ప్రదేశాలలో ఇది ఒకటి.[6] ఇది 17 ఎకరాలు (6.9 హెక్టార్లు) విస్తీర్ణంలో మొత్తము 25 లక్షల చదరపు అడుగుల బిల్టప్ ఏరియాను కలిగి ఉంది. దానిలో 17 లక్షల చదరపు అడుగుల స్థలం నికరంగా లీజుకు ఇవ్వడానికి వీలుగా ఉంది. ఈ మాల్ 2013,మార్చిలో ప్రారంభమైంది. దీనిలో 215 దుకాణాలు ఉన్నాయి. వాటిలో ఫుడ్ కోర్టులు, రెస్టారెంటులు, ఫ్యామిలీ ఎంటర్టైన్మెంట్ జోన్లు, ఒక మల్టీప్లెక్స్, ఐస్ స్కేటింగ్ రింక్, బౌలింగ్ అల్లేలు ఉన్నాయి.[1][7][8][9][10] ఈ ప్రాజెక్టు అయిన మొత్తం ఖర్చు ₹1600 కోట్లు (25 కోట్ల డాలర్లు)గా అంచనా వేయబడింది.[11]లులు గ్రూప్ ఇంటర్నేషనల్ అధ్యక్షుడు, మేనేజింగ్ డైరెక్టర్ అయిన యూసుఫ్ అలీ ముసల్లియం వీట్టిల్ అబ్దుల్ ఖాదర్ ఈ ఆస్తికి స్వంతదారుడిగా, నిర్వాహకుడిగా వ్యవహరిస్తున్నాడు. లులు గ్రూప్ ఇంటర్నేషనల్ సంస్థకు రిటైల్, రియల్ ఎస్టేట్ మొదలైన రంగాలలో విస్తృతమైన వ్యాపార లావాదేవీలు ఉన్నాయి. ఈ షాపింగ్ మాల్ భారతదేశంలో చేపట్టిన తొలి ప్రాజెక్టు. ఈ సంస్థ తిరువనంతపురం, లక్నో,[12] చెన్నై,బెంగళూరు, హైదరాబాదులలో మాల్స్ నిర్మించడానికి తలపెట్టింది.
ప్రదేశం | ఎడపల్లి, కొచ్చి |
---|---|
అక్షాంశ రేఖాంశాలు | 10°1′32″N 76°18′28″E |
చిరునామా | ఎడపల్లి, కొచ్చి – 682024 |
ప్రారంభ తేదీ | 10 మార్చి 2013 |
యజమాని | లులు గ్రూప్ ఇంటర్నేషనల్ |
నిర్మాణ శిల్పి | డబ్ల్యూ ఎస్ అట్కిన్స్ |
స్టోర్ల సంఖ్య, సేవలు | 215[1] |
ఏంకర్ టెనంట్స్ సంఖ్య | 5 |
మొత్తం ఫ్లోర్ విస్తీర్ణం | 2,500,000 sq ft (230,000 m2)[2] (Total built up area) |
ఫ్లోర్ల సంఖ్య | 4 |