మిన్నియాపోలిస్-సెయింట్ పాల్
From Wikipedia, the free encyclopedia
మిన్నియాపోలిస్-సెయింట్ పాల్ అమెరికా సంయుక్త రాష్ట్రాలలో ఒక భాగమైన మిన్నసోటా రాష్ట్రానికి రాజధాని. మిన్నియాపోలిస్-సెయింట్ పాల్ నగరాలను జంట నగరాలుగా వ్యవహరిస్తారు. 2006 జనాభా లెక్కలను అనుసరించి ఈ జంట నగరాల జనాభా 35,00,000 అంచనా. ఈ నగరాలు మిసిసిపీ, మిన్నసోటా, సెయింట్ క్రాయ్ (St.Croix) నదీతీరాలలో విస్తరించి ఉన్నాయి. ఈ నగరాల జనసాంద్రత అమెరికాలో 13వ స్థానంలో ఉంది.
ఈ వ్యాసాన్ని ఏ మూలాల నుండి సేకరించిన సమాచారాన్ని ఆధారంగా చేసుకొని వ్రాసారో తెలపలేదు. సరయిన మూలాలను చేర్చి వ్యాసాన్ని మెరుగు పరచండి. ఈ విషయమై చర్చించేందుకు చర్చా పేజీని చూడండి. |
1872 నుండి ఈ నగరాలను జంటనగరాలుగా గుర్తించి, ప్రజలు వీటిని జంటనగరాలుగా పిలవడం మొదలు పెట్టారు. జంటనగరాలుగా గుర్తించబడిన ఈ నగరాలు స్వరూపస్వభావాలు, రూపురేఖలలో మాత్రం పరస్పర విరుద్ధతలు కలిగి ఉంటాయి. నూతన నగరనిర్మాణము, జలరవాణా దారులకు మినియాపోలిస్ ప్రసిద్ధి. ఈ నగర డౌన్టౌన్ నూతన రూపకల్పనా పద్ధతులతో నిర్మించబడి ఉంది. సెయింట్ పౌల్ నగరం వంపులు తిరిగిన ఇరుకైన వీధులతో ఉంటుంది. సెయింట్ పాల్లో స్థిరపడిన సంప్రదాయాలను అనుసరించే సమూహాలు ఎక్కువగా నివసిస్తున్న కారణంగా పురాతన నిర్మాణాలు ఇక్కడ దర్శనమిస్తాయి. సెయింట్ పాల్ నగరంలో విస్తారంగా ఆకర్షణీయమైన విక్టోరియన్ ఆర్కిటెక్చర్ నిర్మాణాలు ఉంటాయి. అలాగే సంప్రదాయకంగా రెండు వేరుపడి ఉంటాయి. మిన్నియాపోలిస్ స్కాండినేవియన్ ఆధిక్యతగల ప్రాంతం. సెయింట్ పాల్ రోమన్ కాధలిక్, ఐరిష్ సంతతి నివాసం. జంట నగరాల డౌన్ టౌన్ 10 మైళ్ళ విస్తీర్ణాన్ని కలిగి ఉంది. ఇక్కడ మిన్నసోటా హిందూ దేవాలయం ఉంది.