బాల్ ఆఫ్ ది సెంచరీ
From Wikipedia, the free encyclopedia
ఆస్ట్రేలియా స్పిన్ బౌలరు షేన్ వార్న్, ఇంగ్లాండ్ బ్యాటరు మైక్ గాటింగ్కి 1993 జూన్ 4 న, మాంచెస్టర్లోని ఓల్డ్ ట్రాఫోర్డ్లో 1993 యాషెస్ సిరీస్లో మొదటి టెస్టు రెండవ రోజున, వేసిన క్రికెట్ బంతిని బాల్ ఆఫ్ ది సెంచరీ అంటారు. దీన్ని గ్యాటింగ్ బాల్ [1] అనీ దట్ బాల్ అని కూడా పిలుస్తారు.[2][3] ఇంగ్లండ్పై తన మొట్టమొదటి మ్యాచ్లో తన మొట్టమొదటి బంతికే [4] వార్న్ అద్భుతమైన ఈ డెలివరీ వేసి, గాటింగ్ను అవుట్ చేశాడు. ఇది కేవలం ఈ మ్యాచ్ సందర్భంలోనే కాకుండా, సాధారణంగా లెగ్ స్పిన్ బౌలింగు పునరుత్థానాన్ని సూచించడంలో ముఖ్యమైనదిగా భావిస్తారు.