నాటకరంగం
ఒక ప్రదర్శన కళారూపం / From Wikipedia, the free encyclopedia
నాటకరంగం అనేది ఒక ప్రదర్శన కళారూపం. ఒక నిర్దిష్ట ప్రదేశంలోనూ, ఒక వేదికపై ప్రత్యక్ష ప్రేక్షకుల ముందు నిజమైన లేదా ఊహించిన సంఘటనల అనుభవాన్ని ప్రదర్శించడాన్ని నాటక ప్రదర్శన అంటారు. ప్రదర్శకులు సంజ్ఞ, ప్రసంగం, పాట, సంగీతం, నృత్యం కలయికల ద్వారా ప్రేక్షకులకు ఈ అనుభవాన్ని తెలియజేయవచ్చు.[1]
ఆధునిక పాశ్చాత్య నాటకరంగం అనేది పురాతన గ్రీకు నాటకరంగం నుండి వచ్చింది. దాని నుండి సాంకేతిక పరిభాష, కళా ప్రక్రియలుగా వర్గీకరణ, దాని అనేక ఇతివృత్తాలు, స్టాక్ క్యారెక్టర్లు, ప్లాట్ ఎలిమెంట్లను అరువు తెచ్చుకుంది. నటుడు ప్యాట్రిస్ పావిస్ నాటకీయత, నాటక భాష, నాటక రచన, నాటకరంగ విశిష్టతను పర్యాయపద వ్యక్తీకరణలుగా నిర్వచించాడు. ఇవి సాధారణంగా ఇతర ప్రదర్శన కళలు, సాహిత్యం, కళల నుండి నాటకరంగాన్ని వేరు చేస్తాయి.[2]
నాటకాలను తయారుచేసి ప్రదర్శనలు చేసే సంస్థలను నాటక సంస్థ అంటారు.[3] నాటక బృందం (లేదా నటనా సంస్థ) నుండి భిన్నంగా ఉంటుంది, ఇది నాటక ప్రదర్శనకారుల సమూహం.[4][5]
ఆధునిక నాటకరంగంలో నాటకాలు, సంగీత నాటకాల ప్రదర్శనలు ఉంటాయి. బ్యాలెట్, ఒపెరా కళారూపాలు కూడా నాటకం, నటన, దుస్తులు, ప్రదర్శన వంటి అనేక సంప్రదాయాలను ఉపయోగిస్తాయి.