ఉర్ కేతనం
సుమేరు పురావస్తు అవశేషము / From Wikipedia, the free encyclopedia
ఉర్ కేతనము అనేది సుమేరు నాగరికతకు చెందిన ఒక పురావస్తు అవశేషము. క్రీ.పూ 3వ సహస్రాబ్ది నాటిదైన ఇది, ఇప్పుడు బ్రిటిష్ సంగ్రహశాలలో ఉంది. ఒక 21.59 సె.మీ వెడల్పూ, 49.53 సె.మీ పొడవూ ఉన్న చెక్క పెట్టిలో లాపిస్, నత్తగుల్లలూ, ఎర్రటి సున్నపురాయీ తాపి, దీన్ని తయారుచేసారు. ఇది ప్రాచీన నగరమైన ఉర్ (ఆధునిక ఇరాక్లోని నసిరియఃకు పశ్చిమంగా ఉండేది)లో ఉండేది. ఆదివంశపు కాలం[గమనిక 1] నాటి ఈ అవశేషం 4600 ఏళ్ళ క్రితంది. ఒక చెక్కపెట్టెలో యుద్ధాన్నీ, శాంతినీ చూపించే రకరకాల బొమ్మలున్న రాళ్ళను అమర్చి, దీన్ని తయారు చేసి ఉండవచ్చు. దీన్ని కనుగొన్న పురావస్తు నిపుణులు, ఇది ఒక కేతనం అని అనుకున్నప్పటికీ, ఇది ఏమిటి అనేది ఇప్పటికీ తెలియదు. 1920ల్లో జరిగిన పురావస్తు అన్వేషణలో ఉర్ రాచ సమాధిలో ఒక కళేబరం పక్కన ఇది దొరికింది. ఆ కళేబరం దీన్ని మోసే డాలుగాడిది అయ్యుండవచ్చు. అతన్ని సంప్రదాయం ప్రకారం బలి ఇచ్చి ఉండవచ్చు.