ఈస్ట్మన్ కొడాక్
From Wikipedia, the free encyclopedia
ఈస్ట్మన్ కొడాక్ కంపెనీ లేదా కొడాక్ (ఆంగ్లం: Kodak) ఛాయాచిత్రాలకు సంబంధించిన ఉత్పత్తులను రూపొందించే ఒక అమెరికన్ సంస్థ. దీని ప్రధాన కేంద్రం న్యూయార్క్ లోని రోచెస్టర్ లో ఉంది. ప్యాకింగు, ముద్రణ, గ్రాఫిక్స్, ఇతర వ్యాపార సంబంధిత సేవలను అందించటంలో కొడాక్ కు చరిత్రలో ప్రత్యేక స్థానం ఉంది. సాఫ్టువేర్ వంటి ఇతర విభాగాలలో కొడాక్ ఉన్ననూ, ఫోటోగ్రఫిక్ ఫిలిం ఉత్పత్తిలో కొడాక్ పేరొందిన సంస్థగా ప్రజల మనసులలో ముద్రించబడింది.
Type | Public |
---|---|
Traded as | NYSE: KODK |
ISIN | US2774614067 |
పరిశ్రమ |
|
Predecessor | The Eastman Dry Plate Company |
స్థాపన | సెప్టెంబరు 4, 1888; 135 సంవత్సరాల క్రితం (1888-09-04)[1] |
Founders |
|
ప్రధాన కార్యాలయం | Rochester, New York, U.S. |
Areas served | Worldwide |
Key people |
|
Products | Digital imaging, photographic materials, equipment and services |
Revenue | US$1.798 billion (2015)[2] |
Operating income | US$2 million (2015)[2] |
Net income | -US$16 million (2016)[2] |
Total assets | US$2.138 billion (2015)[2] |
Total equity | US$103 million (2015)[2] |
Number of employees | 6,100 (2017)[3] |
Website | www |
జార్జి ఈస్ట్మన్, హెన్రీ ఏ. స్ట్రాంగ్ లు కలసి 1888 సెప్టెంబరు 4 న కొడాక్ సంస్థను ప్రారంభించారు. 20వ శతాబ్దంలో ఎక్కువ భాగం ఫోటోగ్రఫిక్ ఫిలింను కొడాక్ శాసించింది. అప్పట్లో కొడాక్ ఫిలింలో ఎంతగా వేళ్ళూనుకుపోయిందంటే, ఏదయినా ఒక ముఖ్య ఘట్టాన్ని నమోదు చేయటాన్ని కొడాక్ మొమెంట్ (కొడాక్ క్షణం) అని వ్యవహరించటం పరిపాటిగా ఉండేది. 1990 లో డిజిటల్ ఫోటోగ్రఫికి పెరుగుతోన్న ఆదరణతో, కొడాక్ ఈ మార్పుకు పరివర్తన చెందలేకపోవటంతో సంస్థను ఆర్థిక ఇబ్బందులు చుట్టుముట్టాయి. దీనితో కొడాక్ డిజిటల్ ఫోటోగ్రఫి, డిజిటల్ ప్రింటింగ్ ల పై దృష్టి కేంద్రీకరించింది.
జనవరి 2012 లో సంస్థను దివాళా తీయకుండా ఆదుకోవాలని కోర్టులో దావా వేసింది. ఫిబ్రవరి 2012లో డిజిటల్ కెమెరాలు, పాకెట్ వీడియో కెమెరాలు వంటి వాటి ఉత్పత్తులు ఆపివేసి, కేవలం కార్పొరేట్ డిజిటల్ ఇమేజింగ్ విపణిపై దృష్టి కేంద్రీకరించబోతోన్నట్లు ప్రకటించింది. ఆగస్టు 2012లో కొడాక్ దివాళా తీయకుండా ఉండే క్రమంలో తమ ఫోటోగ్రాఫిక్ ఫిలిం, వాణిజ్య స్కానర్ లు, కియోస్క్ కార్యకలాపాలను విక్రయిస్తున్నామని మోషన్ పిక్చర్ ఫిలిం కార్యకలాపాలు మాత్రం విక్రయించబోమని తెలిపింది. జనవరి 2013లో కోర్టు కొడాక్ దివాళా తీయకుండా ఉండటానికై నిధులను మంజూరు చేస్తూ తీర్పునిచ్చింది. తమ పేటెంటులలో చాలా వాటిని $525,000,000 ఇతర సంస్థలకు విక్రయించింది. 3 సెప్టెంబరు 2013 నాటికి పాత బకాయిలను చెల్లించి పలు వ్యాపారాల నుండి నిష్క్రమించటంతో దివాళా కోరల నుండి బయటపడింది.