லே மாவட்டம்
இலடாக்கில் உள்ள மாவட்டம் / From Wikipedia, the free encyclopedia
லே மாவட்டம் இந்தியாவின் வடகோடியில் அமைந்த லடாக் ஒன்றியப் பகுதியில் அமைந்துள்ள இரு மாவட்டங்களில் ஒன்றாகும். இதன் தலைநகரம் லே நகராகும். மற்றொரு மாவட்டமான கார்கில் லடாக் பகுதியின் மேற்கு பகுதியில் அமைந்துள்ளது. இம்மாவட்டத்தின் நிர்வாகத்தை லடாக் தன்னாட்சி மலை வளர்ச்சிக் குழு, லே மேற்கொள்கிறது.
லே மாவட்டம் | |
---|---|
நாடு | இந்தியா |
ஒன்றியப் பகுதி | லடாக் |
நிறுவிய ஆண்டு | 1 சூலை 1979 |
தலைமையிடம் | லே |
வருவாய் வட்டங்கள் | 8 |
அரசு | |
• மக்களவைத் தொகுதி | லடாக் மக்களவைத் தொகுதி |
பரப்பளவு | |
• Total | 45,110 km2 (17,420 sq mi) |
மக்கள்தொகை (2011) | |
• Total | 1,33,487 (2,011) |
• நகர்ப்புறம் | 45,671 |
Demographics | |
• எழுத்தறிவு | 77.2% |
• பாலின விகிதம் | 690 |
நேர வலயம் | ஒசநே+05:30 (இந்திய சீர் நேரம்) |
இணையதளம் | http://leh.nic.in/ |
இது பரப்பளவில் குசராத்தின் கட்ச் மாவட்டதுக்கு அடுத்த இரண்டாவது பெரிய மாவட்டமாகும். இதன் வட பகுதியில் பாக்கித்தான் கட்டுப்பாட்டில் உள்ள வடக்கு நிலங்களும் தென்பகுதியில் இமாச்சலப் பிரதேசத்தின் லாஹவுல் மற்றும் ஸ்பிதி மாவட்டமும், மேற்கில் கார்கில் மாவட்டமும், கிழக்கில் அக்சாய் சின் மற்றும் திபெத்தும் எல்லைகளாக உள்ளன.
1979ம் ஆண்டு வரை லடாக் பகுதி முழுவதும் லே நகரத்தை தலைமையிடமாக கொண்டு நிருவகிக்கப்பட்டது. 1979ல் லடாக் பகுதியை கார்கில், லே என இரு மாவட்டங்களாக பிரிக்கப்பட்டது.
திபெத்திலிருந்து வரும் சிந்து ஆறு லே மாவட்டத்தில் கிழக்குமேற்காக பயணித்து, சிறிது தூரம் கார்கில் மாவட்டத்தில் பயணித்து பின் பாக்கித்தான் கட்டுப்பாட்டில் உள்ள வடக்கு நிலங்களுக்கு செல்கிறது.