மலேசியப் பிரதமர்
From Wikipedia, the free encyclopedia
மலேசியப் பிரதமர் (மலாய்: Perdana Menteri Malaysia; ஆங்கிலம்: Prime Minister of Malaysia; சீனம்: 马来西亚首相; ஜாவி: ڤردان منتري مليسيا) என்பவர் மலேசிய அரசாங்கத்தின் நிர்வாகத் தலைவர் ஆவார். மலேசியப் பேரரசர், பிரதமரை நியமனம் செய்கிறார். மலேசிய நாடாளுமன்றத்தின் பெரும்பான்மை உறுப்பினர்களின் ஆதரவையும் நம்பிக்கையையும் பெற்ற ஒருவரே பிரதமராகும் தகுதியைப் பெறுகின்றார்.
விரைவான உண்மைகள் மலேசியப் பிரதமர் Perdana Menteri Malaysia, பதவி ...
மலேசியப் பிரதமர்
Perdana Menteri Malaysia | |
---|---|
மலேசிய அரசாங்கம் மலேசியப் பிரதமர் துறை | |
பதவி | அரசாங்கத் தலைவர் |
உறுப்பினர் | மலேசிய அமைச்சரவை; தேசிய பாதுகாப்பு மன்றம்; டேவான் ராக்யாட் |
வாழுமிடம் | ஸ்ரீ பெர்டானா, புத்ராஜெயா |
நியமிப்பவர் | யாங் டி பெர்துவான் அகோங் |
பதவிக் காலம் | ஐந்து ஆண்டுகள், (புதுப்பிக்கத் தக்கது) |
முதலாவதாக பதவியேற்றவர் | துங்கு அப்துல் ரகுமான் |
உருவாக்கம் | 31 ஆகத்து 1957; 66 ஆண்டுகள் முன்னர் (1957-08-31) |
ஊதியம் | மலேசிய ரிங்கிட் மாதம் தோறும் 22,826.65 (Abolished by Anwar Ibrahim) |
இணையதளம் | www |
மூடு
பிரதமராகப் பொறுப்பு ஏற்கும் ஒருவர் மலேசிய அமைச்சரவையின் தலைவராகவும் செயல் படுகின்றார். அமைச்சரவை உறுப்பினர்களைப் பிரதமரின் ஆலோசனையின் பேரில் பேரரசர் நியமனம் செய்கிறார். அந்த அமைச்சரவை மலேசிய நாடாளுமன்றத்தின் முழு பொறுப்புகளையும் ஏற்றுக் கொள்கிறது.
பிரதமரின் கீழ், பிரதமர் துறை எனும் ஓர் அமைச்சு செயல்படுகின்றது. அன்வர் இப்ராகீம் என்பவர் மலேசியாவின் இப்போதைய பிரதமராகப் பதவி வகிக்கிறார்.