அரசியலமைப்புச் சட்டம்
சட்டவிதிகள் கொள்கைகள் கொண்ட மூல ஆவணம் / From Wikipedia, the free encyclopedia
யாப்பு அல்லது அரசியலமைப்புச் சட்டம் (constitution) என்பது, ஒரு தன்னாட்சி உரிமை கொண்ட ஒரு அரசியல் அலகுக்கான, சட்ட விதிகள், கொள்கைகள் போன்றவற்றை விளக்கும் எழுத்துமூல ஆவணம் ஆகும். இது ஒரு அரசின் முறைமைகளை விளக்குகிறது. நாடுகளைப் பொறுத்தவரை இச் சொல், அரசின் அடிப்படை அரசியல் கொள்கைகள், அமைப்பு, செயல்முறைகள், அதிகாரம், கடமைகள் என்பவற்றை வரையறுக்கும் தேசிய அரசியல் சட்டத்தைக் குறிக்கின்றது. பல நாடுகளின் அரசியல் சட்டங்கள் மக்களுக்கான உரிமைகள் சிலவற்றுக்கான உறுதிகளையும் வழங்குகின்றன. தற்காலப் பாணியிலான எழுதித் தொகுக்கப்பட்ட அரசியற்சட்டங்கள் உருவாவதற்கு முன்னர், அரசு செயல்படுவதற்கான எந்தச் சட்டத்தையும் இச் சொல் குறித்தது.
இக்கட்டுரையின் தலைப்பு விக்கிப்பீடியாவின் பெயரிடல் மரபுக்கோ, கலைக்களஞ்சிய பெயரிடல் மரபுக்கோ ஒவ்வாததாக இருக்கலாம் இக்கட்டுரையின் தலைப்பினை பெயரிடல் மரபுக்கு ஏற்றவாறு மாற்றக் கோரப்பட்டுள்ளது. உங்கள் கருத்துக்களை உரையாடல் பக்கத்தில் தெரிவியுங்கள். |
அரசியலமைப்புச் சட்டங்கள் பலவகையான அரசியல் அமைப்புக்கள் தொடர்பானவையாக உள்ளன. இவை, பன்னாட்டு அளவிலும், கூட்டாட்சி, மாநிலம் அல்லது மாகாணம் ஆகிய மட்டங்களிலும் காணப்படுகின்றன.
இந்திய அரசியலமைப்புச் சட்டம் தான் உலகில் உள்ள எந்தவொரு இறையாண்மை நாட்டின் அரசியலமைப்புச் சட்டத்தை விட மிக நீண்ட நெடியதாக எழுதப்பட்ட அரசியலமைப்புச் சட்டமாகும். இதில் 444 உறுப்புரைகளும்,[1][2][3] 22 பாகங்களும், 12 அட்டவணைகளும், 118 திருத்தங்களும் உள்ளடங்குகின்றன. அதன் ஆங்கில மொழி பதிப்பில் 146,385 வார்த்தைகள் [4][5] உள்ளது. மொனாக்கோவின் அரசியலமைப்புச் சட்டம் தான் உலகில் மிகச்சிறிய எழுதப்பட்ட அரசியலமைப்பாகும். இதில் 97 கட்டுரைகள் கொண்ட 10 அத்தியாயங்களும், மொத்தம் 3,814 வார்த்தைகளும் உள்ளன.[4][6]