வெடிபொதி
From Wikipedia, the free encyclopedia
வெடிபொதி என்பது உலோக, காகித, அல்லது நெகிழியால் ஆன உருளை வடிவ உறையின் உள்ளே - ஓர் தோட்டா அல்லது குண்டு, ஓர் உந்துபொருள் (வழக்கமாக புகையில்லா மருந்து அல்லது வெடிமருந்து) மற்றும் ஓர் எரியூட்டி ஆகியவற்றை கொண்டுள்ள, சுடுகலனின் அறையில் சரியாகப் பொருந்தும் ஒரு போர்த்தளவாட பொருள் ஆகும்[1]. மின்சாரம்/மோதலால் தூண்டப்பட்டு, சிறிய வெடிப்பை உண்டாக்கும், ஒரு வேதியியற் கலவை தான் எரியூட்டி. இது உறையின் அடியில் மையம், அல்லது விளிம்பு பகுதி, அல்லது ஊசியடி வெடிபொதியில் உள்ளது போல் துருத்தம் ஆகவும் இருக்கலாம். தயாரிப்பாளர்கள் உறையிலா வெடிபொதி என்ற இலக்கை நோக்கி நகர்ந்துகொண்டே இருக்கின்றனர். தோட்டா இல்லாத வெடிபொதியை வெற்று என்பர். முற்றிலும் செயலற்ற (உந்துபொருள் மற்றும் எரியூட்டி இல்லாத) ஒன்றை போலி என்பர்.
ஒரு வெடிபொதியை, "தோட்டா/குண்டு" என தவறாக குறிப்பிடுவது இயல்பாகி விட்டது.