வளர் புவியியல்
From Wikipedia, the free encyclopedia
வளர் புவியியல் (development geography) என்பது புவியியலில் ஒரு பிரிவு ஆகும். இவ்வளர் புவியியல் வாழும் மனித இனத்தின் தரப்படுத்தப்பட்ட வாழ்க்கை முறை மற்றும் வாழ்க்கைத் தரத்தைச் சுட்டுகிறது. இங்கு வளர்ச்சி என்பது, தொடர்ந்து நிகழக்கூடிய மாற்றம் மனித வாழ்க்கையில் ஏற்படுத்தும் தாக்கத்தைக் குறிக்கிறது. மாற்றத்திற்குட்பட்டுச் செல்லும் மக்களின் வாழ்க்கைத் தரத்தை முன்னேற்றும் வகையில் இவ்வளர் புவியியல் ஈடுபட்டுள்ளது.[1] இருப்பினும் வளர்ச்சி என்பது எப்பொழுதுமே நேர்மறையான நிகழ்வாக இருப்பதில்லை. கண்டர் பிராங்க் உலக பொருளாதார சக்தி பற்றி விமர்சனம் செய்யும் போது வளர் புவியியல் என்பது, வளர்ச்சியில் பின் தங்கியுள்ளதை வளர்ச்சிக்கு அழைத்துச் செல்கிறது என்கிறார். இது இவரது சார்ந்திருத்தல் கோட்பாட்டில் குறிப்பிடப்பட்டுள்ளது.