பால்கன் மலைகள்
பால்கன் தீபகற்பத்தின் கிழக்கு பகுதியில் காணப்படும் மலைத் தொடர் / From Wikipedia, the free encyclopedia
பால்கான் மலைத் தொடர்கள், (பல்கேரிய மற்றும் செர்பிய மொழிகளில் ஸ்ட்ரா ப்ளனியா, பழைய மலை) [1]ஐரோப்பாவின் கிழக்கு பகுதியில் உள்ள பால்கன் தீபகற்பத்தில் காணப்படும் மலைத் தொடராகும். இந்த பால்கான் மலைத் தொடரானது பல்கேரியா மற்றும் செர்பியா எல்லையில் உள்ள வ்ரஷ்கா சுகா மலை உச்சியிலிருந்து 557 கி.மீ தொலைவில் கிழக்கு நோக்கி மத்திய பல்கேரியா வழியாக எமைன் முனை மற்றும் கருங்கடல் வரை செல்கிறது. இம்மலைத் தொடரின் அதி உயர சிகரம் மத்திய பல்கேரியாவில் உள்ளது. மிக உயர சிகரத்தின் உயரம் 2,376 மீட்டர் ஆகும். ரிலா மற்றும் பிரினிக்கு அடுத்ததாக இது இந்த நாட்டில் உள்ள மூன்றாவது உயரமான சிகரமாகும். இந்த மலைகளின் மூலமே பல்கேரிய தீபகற்பம் தன் பெயரைப் பெற்றது.
பால்கன் மலைகள் | |
---|---|
பழைய மலை | |
A view from Kom Peak in western Bulgaria. | |
உயர்ந்த புள்ளி | |
உச்சி | Botev Peak |
உயரம் | 2,376 m (7,795 அடி) |
பட்டியல்கள் | |
ஆள்கூறு | 42°43′00″N 24°55′04″E |
பரிமாணங்கள் | |
நீளம் | 557 km (346 mi) west-east |
அகலம் | 15–50 km (9.3–31.1 mi) north-south |
பரப்பளவு | 11,596 km2 (4,477 sq mi) |
புவியியல் | |
நாடுகள் | பல்கேரியா and செர்பியா |
தொடர் ஆள்கூறு | 43°15′N 25°0′E |
நிலவியல் | |
பாறை வகை | granite, gneiss, limestone |
இந்த மலைத் தொடரானது கருங்கடலுக்கும் ஏஜியன் கடலுக்கும் இடையில் உள்ள நீர் பிடிப்பு பகுதியில் மேற்கு பகுதி தவிர்த்து வடிகால் நீர் பரப்பை உருவாக்குகின்றன. மேற்கு பகுதியில் கண்ணைக் கவர்கின்ற இஸ்கார் மலை இடுக்கு அல்லது ஆழ் பள்ளதாக்கு உள்ளது. இங்குள்ள சுண்ணக்கரடு தணிவானது மகுரா குகையையும் சேர்த்து அதிக அளவு குகைகள் உடையது இவற்றில் மிகவும் முக்கிய மற்றும் விரிவாக்கப் பட்ட ஐரோப்பிய பழைய கற்கால குகை ஓவியங்கள் ஆகிய லெடெனிகா, சேவா, டுப்கா, பச்சோ கிரோ ஆகியவை இடம் பெற்றுள்ளன. இவற்றில் அதிகம் குறிப்பிடத் தக்கது மேற்கில் உள்ள பெலோகிரட்சிக் பாறைகள் ஆகும்
முக்கியமான பாதுகாக்கப் பட்ட பகுதிகள் அதிகம் உண்டு அவையாவன: மத்திய பால்கன் தேசிய பூங்கா, வ்ராசன்ஸ்கி பால்கன் இயற்கை பூங்கா, பல்கார்கா இயற்கை பூங்கா மற்றும் ஸினைட் கமானி இயற்கை பூங்கா அதோடு கூட அதிகமான இயற்கை சரணாலயங்களும் உள்ளன. பால்கன் மலைகளானது அவற்றின் தாவர வகைகள் மற்றும் விலங்கினங்களுக்கு பெயர் போனது. ஆல்ப்ஸ் மலைகளில் பாறைப் பாங்கான இடங்களில் வளரும் வெள்ளை மலர் கொண்ட செடியான எடல்வெய்ஸ் இங்குள்ள கோஸியற்றா ஸ்டெனா பகுதியில் வளருகிறது.
இங்கு காணப்படும் கண்ணையும் கருத்தையும் கவரும் சில நிலப்பகுதிகளாவன செங்குத்தான மலைப் பாறைகளைக் கொண்ட மத்திய பால்கான் தேசிய பூங்கா, மிக உயரமான நீர்வீழ்ச்சி கொண்ட பால்கான் தீபகற்பம் மற்றும் செழிப்பான தாவர வளர்ச்சி காணப்படுகின்றன. இங்கு முக்கியமான இயற்கை சரணாலயங்களான சுப்ரீன், கோஸியற்றா ஸ்டெனா மற்றும் வேறு பல சரணாலயங்களும் காணப் படுகின்றன. ஐரோப்பாவின் மிகப் பெரிய பாலூட்டிகள் இந்த பகுதியை தம் இருப்பிடமாகக் கொண்டுள்ளன. பழுப்பு நிறக் கரடி, ஓநாய், போவார், ஆட்டின் இயல்பு கொண்ட ஐரோப்பிய வரைமான் மற்றும் மான் ஆகியவை இவற்றுள் அடங்கும். பொருளடக்கம்