![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/26/CharaV3.jpg/640px-CharaV3.jpg&w=640&q=50)
பாலுறுப்பு
From Wikipedia, the free encyclopedia
பாலுறுப்பு அல்லது இனப்பெருக்க உறுப்பு (sex organ or reproductive organ) பாலியல் இனப்பெருக்கத்தில் ஈடுபடும் உயிரிகளின் உடல் உறுப்பு ஆகும். இனப்பெருக்கத்தில் பங்கேற்கும் அனைத்து உறுப்புகளும் இனப்பெருக்கத் தொகுதியின் அங்கங்களாகும். ஆண்களின் விந்தகம், பெண்களின் சூலகம் முதன்மை பாலுறுப்புகளாக அழைக்கப்படுகின்றன.[1] வெளிப்புறத்திலுள்ள பால் உறுப்புக்களான, இருபாலருக்கும் பிறப்பின்போது காணக்கூடிய, பிறப்புறுப்புகளும் உட்புறத்திலுள்ள பிற பாலுறுப்புகளும் இரண்டாம்நிலை பாலுறுப்புகளாக வரையறுக்கப்படுகின்றன.[1]
![Thumb image](http://upload.wikimedia.org/wikipedia/commons/thumb/2/26/CharaV3.jpg/640px-CharaV3.jpg)
பாசிகள், பன்னங்கள், மற்றும் இவற்றையொத்த புணரித்தாவரங்களில் இனப்பெருக்கத்திற்கு பால்செல்களைக் (gametangia) கொண்டுள்ளன.[2] மலர் பூக்கும் தாவரங்களில் மகரந்தமும் சூல் முட்டைகளும் இனப்பெருக்கத்திற்கு துணை புரிகின்றன; ஆனால் புணரித்தாவரங்களில் பாலுறுப்புகள் மகரந்தத்திற்குள்ளும் சூல் வித்துகளுக்குள்ளும் உள்ளன.[3] ஊசியிலை தாவரங்களிலும் இனப்பெருக்க உறுப்புகள் அவற்றின் புணிரியில் உள்ளடங்கியுள்ளன; ஊசியிலைக் கூம்புகளிலும் மகரந்தத்திலும் இவை அடங்கியுள்ளன, ஆனால் கூம்பும் மகரந்தமும் பாலுறுப்புகளாக கருதப்படுவதில்லை.