தமிழ்நாடு சட்டப் பேரவை அவை முன்னவர் பட்டியல்
விக்கிப்பீடியா:பட்டியலிடல் / From Wikipedia, the free encyclopedia
தமிழ்நாடு சட்டப் பேரவையின் அவை முன்னவர் (List of leaders of the house in the Tamil Nadu Legislative Assembly) என்பது தமிழ்நாடு சட்டமன்றத்தில் ஆளும் கட்சியை வழிநடத்தும் ஒரு தேர்ந்தெடுக்கப்பட்ட சட்டமன்ற உறுப்பினர் ஆவார். இவர் தமிழ்நாடு சட்டப் பேரவையின் அவை முன்னவர் எனத் தமிழக அரசின் ஒரு அங்கமான சட்டமன்றத்தின் மிகப்பெரிய அரசியல் கட்சியின் தலைவர் ஆவார். சபை முன்னவராக அமைச்சர் ஒருவர் அரசாங்கத்தால் நியமிக்கப்படுவார். சட்டப் பேரவையின் சபாநாயகர், சில அலுவல் விடயங்களின் விவாதத்திற்கு நேரத்தை ஒதுக்குவதற்கு முன், அவை முன்னவரைக் கலந்தாலோசிக்க வேண்டும் என்று நடைமுறை விதிகள் கூறுகின்றன. அரசாங்க செயல்பாடுகளின் இவரது முக்கியப் பொறுப்பு ஆகும். சட்டப்பேரவையின் அலுவல்களை நடத்துவதில் பேரவைத் தலைவருக்கு உதவுவதே இவரது தலையாய கடமையாகும்.
{{{body}}}
தமிழ்நாடு சட்டப் பேரவை அவை முன்னவர் பட்டியல் | |
---|---|
தமிழ்நாடு அரசு இலட்சினை | |
தமிழ்நாடு சட்டப்பேரவை | |
பரிந்துரையாளர் | ஆளும் கட்சியினரால் முன்மொழியப்படும் |
நியமிப்பவர் | தமிழ்நாடு சட்டப்பேரவைத் தலைவர் |
முதலாவதாக பதவியேற்றவர் | சி. சுப்பிரமணியம் |
உருவாக்கம் | 3 மே 1952; 72 ஆண்டுகள் முன்னர் (1952-05-03) |
இணையதளம் | www |
1952 முதல், தமிழ்நாடு சட்டமன்றத்தில் 12 அவைத் தலைவர்கள் இருந்துள்ளனர். இந்தியக் குடியரசின் முன்னாள் பாதுகாப்பு அமைச்சர், இந்திய தேசிய காங்கிரசின் சி. சுப்பிரமணியம், சென்னை மாநில சட்டப் பேரவையின் அவை முன்னவர் பதவி வகித்த முதல் நபர் ஆவார். தமிழ்நாட்டின் முன்னாள் செயல் தலைவரான வி. ஆர். நெடுஞ்செழியன், மிக நீண்ட காலம் இப்பதவி வகித்த தலைவர் ஆவார். இவர் திராவிட முன்னேற்றக் கழகம் மற்றும் அனைத்திந்திய அண்ணா திராவிட முன்னேற்றக் கழகம் ஆகிய இரு திராவிடக் கட்சிகளிலிருந்தும் தேர்ந்தெடுக்கப்பட்டவர். திராவிட முன்னேற்றக் கழகத்தைச் சேர்ந்த க. அன்பழகன் இரண்டாவது மிக நீண்ட பதவிக் காலம் பெற்றவர். ஆர். எம். வீரப்பன் மிகக் குறுகிய பதவிக் காலம் (23 நாட்கள் மட்டுமே) மட்டுமே இப்பதவியினை வகித்தவர் ஆவார். மு. பக்தவத்சலம் முதலமைச்சராக பணியாற்றுவதற்கு முன்பு அவைத் முன்னவராகப் பணியாற்றினார். மு. கருணாநிதி, ஓ.பன்னீர்செல்வம் ஆகியோர் தமிழக சட்டசபையின் அவைத் தலைவராகப் பணியாற்றிய முன்னாள் முதல்வர்கள் ஆவர்.
11 மே 2021 முதல் திராவிட முன்னேற்றக் கழகத்தின் தற்போதைய பொறுப்பாளர் துரைமுருகன் அவை முன்னவராக உள்ளார்.[1]