ஜோன் புரூக்
புரூக் பரம்பரையில் 1848-ஆம் ஆண்டில் ராஜா மூடா / From Wikipedia, the free encyclopedia
ஜோன் புரூக் (ஆங்கிலம்: John Brooke அல்லது John Brooke Johnson Brooke); (பிறப்பு: 1823 – இறப்பு: 1 டிசம்பர் 1868), சரவாக் இராச்சியத்தின் வெள்ளை இராஜா (Raj of Sarawak) புரூக் பரம்பரையில், 1848-ஆம் ஆண்டில், ராஜா மூடா (Rajah Muda) பதவியை வகித்தவர். ராஜா மூடா என்பது ஓர் இளவரசரைக் குறிக்கும் பதவிச் சொல் ஆகும்.
ஜோன் புரூக்குடன் ஏற்பட்ட கருத்து வேறுபாடுகளினால், தன்னுடைய தம்பி சார்லசு புரூக் என்பவருக்குத் தன் மரபுரிமை பதவியை விட்டுக் கொடுத்தார்.
1823-ஆம் ஆண்டில் இங்கிலாந்தில் பிறந்தவர். தந்தையாரின் பெயர் பிரான்சிஸ் சார்லஸ் ஜான்சன் (Francis Charles Johnson). தாயாரின் பெயர் எம்மா பிரான்சிஸ் புரூக் (Emma Frances Brooke). எம்மா பிரான்சிஸ், சரவாக்கின் முதல் இராஜாவான ஜேம்ஸ் புரூக்கின் மூத்த சகோதரி ஆவார்.
ஜோன் புரூக், 1837-ஆம் ஆண்டில் ராயலிஸ்ட் (Royalist) கப்பலில் மத்திய கிழக்கு நாடுகளுக்குப் பயணம் மேற்கொண்டவர். பின்னர் ஐக்கிய இராச்சியத்தின் இராணுவப் படையில் சேர்ந்து, ஒன்பது ஆண்டுகளில், தளபதி பதவிக்கு உயர்ந்தவர்.[1]