கோவா முதலமைச்சர்களின் பட்டியல்
விக்கிப்பீடியா:பட்டியலிடல் / From Wikipedia, the free encyclopedia
கோவாவின் முதலமைச்சர் (Chief Minister of Goa) தென்னிந்தியாவின் கடலோர மாநிலமான கோவாவின் அரசுத் தலைவர் ஆவார். இந்திய அரசியலமைப்பின்படி, ஒரு மாநிலத்தின் சட்டப்படியான தலைவர் ஆளுநராக இருப்பினும் நடைமுறைப்படி தலைமை வகிப்பது முதலமைச்சரே ஆகும். கோவா சட்டப் பேரவைத் தேர்தல்களை அடுத்து மாநில ஆளுநர் வழமையாக பெரும்பான்மையான இடங்களை வென்ற கட்சி (அல்லது கூட்டணி)யை ஆட்சியமைக்க அழைப்பார். ஆளுநரால் நியமிக்கப்படும் முதலமைச்சரும் அவரது அமைச்சரவையும் கூட்டாக சட்டப்பேரவைக்கு பொறுப்பானவர்கள். சட்டப்பேரவையின் நம்பிக்கை பாத்திரமான முதலமைச்சர் ஐந்தாண்டுகள் பதவியில் இருப்பார். மீண்டும் தேர்ந்தெடுக்கப்பட தடை எதுவும் இல்லை.[1]
கோவா - முதலமைச்சர் | |
---|---|
கட்சி | பாரதிய ஜனதா கட்சி |
பதவி | அரசுத் தலைவர் |
சுருக்கம் | CM |
உறுப்பினர் | கோவாவின் சட்டமன்றம் |
அறிக்கைகள் | கோவா ஆளுநர் |
நியமிப்பவர் | கோவா ஆளுநர் |
பதவிக் காலம் | ஆகக்கூடியது ஐந்து ஆண்டுகள் (ஆளுநர் முன்கூட்டியே கலைக்க முடியும்) |
முன்னவர் | மனோகர் பாரிக்கர் (14 மார்ச் 2017 - 17 மார்ச் 2019) |
முதலாவதாக பதவியேற்றவர் | தயானந்த் பண்டோட்கர் |
உருவாக்கம் | 20 திசம்பர் 1963 (60 ஆண்டுகள் முன்னர்) (1963-12-20) |
கோவா படையெடுப்பிற்குப் பின்னர் முன்னாள் போர்த்துக்கேய குடியேற்றம் இந்தியாவின் கோவா, தாமன், தியூ ஒன்றியப் பகுதியாயிற்று. 1987இல் கோவா மட்டும் முழு மாநிலத் தகுதி பெற்றது; தமன் மற்றும் தியூ தனி நடுவண் ஒன்றியப் பகுதியாயின. 1963 முதல் பதினோரு நபர்கள் கோவா,தாமன், தியூ ஒன்றியப் பகுதி மற்றும் கோவா மாநில முதலமைச்சர்களாக இருந்துள்ளனர். முதன்முதலில் மகாராட்டிரவாதி கோமந்த கட்சியைச் சேர்ந்த தயானந்த் பண்டோட்கர் முதலமைச்சராகப் பொறுப்பேற்றார். இவரையடுத்து பதவியேற்ற இவரது மகள் சசிகலா ககோட்கர், கோவாவின் ஒரே பெண் முதலமைச்சராவார். கோவா மாநிலத் தகுதி பெற்றபோது ஆட்சியிலிருந்த இந்திய தேசிய காங்கிரசின், பிரதாப்சிங் ராணே தான் மிகக் கூடுதலான காலம் பதவியில் இருந்தவர்; இவர் தொடர்ச்சியில்லாத நான்கு முறைகளில் 15 ஆண்டுகள் பதவியில் இருந்துள்ளார்.
தற்போதைய முதலமைச்சராக, பாரதிய ஜனதா கட்சியின் பிரமோத் சாவந்த், மார்ச் 19, 2019 அன்று முதல் பதவி வகித்து வருகிறார்.