ஏர்பசு ஏ330
From Wikipedia, the free encyclopedia
ஏர்பசு ஏ 330 5000 முதல் 13,500 கிலோமீட்டர்கள் வரை செல்லும் நடுத்தர நீண்டதூர வானூர்தி. ஏர்பசு தயாரிக்கும் இது அகண்ட உடல் இரட்டை பொறி ஜெட் வானூர்தி ஆகும். இதில் 335 பயணிகளையோ அல்ல 70 டன் சரக்குகளையோ கொண்டு செல்ல முடியும்.
ஏ330 | |
---|---|
ஏர்பசு 330-300, அதிகமான ஏ330ஐ கொண்டுள்ள துருக்கிய ஏர்லைனில் உள்ள முதல் தயாரிப்பும் அதிகமாக பயன்பாட்டுல் உள்ளதும். | |
வகை | அகண்ட உடல் வானூர்தி |
உருவாக்கிய நாடு | பன்னாட்டு தயாரிப்பு[1] |
உற்பத்தியாளர் | ஏர்பசு |
முதல் பயணம் | 2 நவம்பர் 1992 |
அறிமுகம் | ஏர் இன்டரில் 17 சனவரி 1994 |
தற்போதைய நிலை | பயனில் உள்ளது |
முக்கிய பயன்பாட்டாளர்கள் | துருக்கிய ஏர்லைன் Air China China Eastern Airlines China Southern Airlines |
உற்பத்தி | 1992–present |
தயாரிப்பு எண்ணிக்கை | 1,479 as of 31 அக்டோபர் 2019[update][2] |
திட்டச் செலவு | $3.5 billion (with A340, 2001 dollars)[3] |
அலகு செலவு | A330-200: US$238.5M (2018)[4] A330-300: US$264.2M (2018)[4] A330-200F: US$241.7M (2018)[4] |
முன்னோடி | Airbus A300 |
மாறுபாடுகள் | Airbus A330 MRTT EADS/Northrop Grumman KC-45 |
பின் வந்தது | Airbus A330neo Airbus Beluga XL |
1970 களின் நடுப்பகுதியில் ஏர்பசின் முதல் வானூர்தியான ஏ300 இன் உருவாக்கத்திற்காக உருவான பல வகைகளில் ஒன்றிலிருந்தே ஏ330 உருவானது. ஏ330 ஆனது நான்கு எஞ்சின் ஏ340 வுடன் இணையாக உருவாக்கப்பட்டது, இவற்றின் பொறிகளின் எண்ணிக்கை வேறுபட்டாலும் இவை பல பொதுவான வானூர்தி கட்டகங்களை பகிர்ந்து கொண்டன. இரண்டு வானூர்திகளும் வான்கல மின் கட்டுப்பாட்டு முறை தொழில்நுட்பத்தை பயன்படுத்தின, முதலில் ஏர்பசு ஏ 320 இல் அறிமுகப்படுத்தப்பட்டது. ஜூன் 1987 இல், பல்வேறு வாடிக்கையாளர்களிடமிருந்து வாங்காணைகளை பெற்ற பிறகு, ஏ330 மற்றும் ஏ340 ஐ ஏர்பசு அறிமுகப்படுத்தியது. ஜெனரல் எலக்ட்ரிக் சிஎஃப் 6, பிராட் & விட்னி பிடபிள்யூ 4000 மற்றும் ரோல்ஸ் ராய்ஸ் ட்ரெண்ட் 700 ஆகிய மூன்று பொறி வகைகளில் பயனாளி ஒன்றை தேர்ந்தெடுக்கும் வசதியை கொடுத்த ஏர்பசின் முதல் வானூர்தி ஏ330 ஆகும்.
ஏ330-300 வகையின் முதல் பறப்பு, நவம்பர் 1992 இல் நடந்தது, 1994 சனவரியில் ஏர் இன்டர் நிறுவனம் மூலம் பயணிகள் சேவையில் நுழைந்தது. அதைத்தொடர்ந்து சற்று சிறிய வகை ஏ330-200 வானூர்திகளை 1998 இல் ஏர்பசு உருவாக்கியது. பின்னர் உருவாக்கிய இராணுவ வானூர்திகள், வணிக நிறுவன வானூர்திகள், சர்கு வானூர்திகள் உட்பட அனைத்து ஏ330 வகை வானூர்திகளிலும் ஓர் சிறப்பு சரக்கேற்று கலனை பொருத்தியது.
ஏ330 ஏர்பசு அறிமுகப்படுத்தப்பட்டதிலிருந்து, போயிங்கின் இரட்டை ஜெட் வானூர்திகள் 767 & 777 உடன் போயிங் 787 இன் போட்டிகளுக்கிடையே அகண்ட உடல் வானூர்திகளின் சந்தை பங்கை ஏர்பசு அதிகரித்துள்ளது. ஏ330 & ஏ340 இரண்டின் வெற்றிக்கடுத்து நீண்ட தூர ஏர்பசு ஏ350 எக்சுடபல்யுபி திட்டமிடப்பட்டது. ஏர்பசு தற்போதைய A330 ஐ (2014 முதல் A330தபொதே (தற்போதைய பொறி தேர்வு) என குறிப்பிடப்படுகிறது) புதிய பொறிகளும் பிற மேம்பாடுகளும் உள்ள A330அபொதே கொண்டு மாற்ற விரும்பியது.[5][6][7] செப்டம்பர் 2019 நிலவரப்படி, ஏ330 இன் வாங்காணைகள் 1,751 ஆக உள்ளது, அவற்றில் 1,473 வழங்கப்பட்டுள்ளன, 1,433 செயல்பாட்டில் உள்ளன. துருக்கிய ஏர்லைன்ஸ் 68 ஏ 330 வானூர்திகளைக் கொண்டுள்ளது.[2]